__________________

لو كان عندك طريقه مضمونه لعجين الفطائر استخدميهاا او استخدمي عجينتي وهي مضمونه والله ومابتفشلك ابد
مقادير العجينه :

كيس طحين ابيض - 2 بيض - نص كوب زيت او اصبع زبده - كوب حليب بودره- كوب سكر - 2 ملعقه طعام خميرة فوريه - ماء للعجن

هذه العجينه ممتازة للفطائر وخليه النحل والبيتزااااا مااستخدم غيرهاااااا مضمونه ميه بالميه
ولي سنين استخدمهااااااااا انا واخواتي في معجناتنا صارت كنها سر العايله هههههههه

المهم ان شفتي ان المقدار كبير تقدرين تناصفين الكميه او تستخدمين جزء من العجينه للخبز والنصف الثاني لعمل فطائر او بيتزااااااا او خليه نحل الي تحبينه ...

الطريقه :
- في كوب تحطين الخميرة وملعقتين سكر في ربع كوب ماءء دافي وتتركينهم عشر دقايق لين يتضاعف حجم الخميرة .
- تضاف المقادير الجافه مع بعض اولا ثم تضيفين الزيت والبيض والخميرة وتعجنينها بالماء
بحيث تصير عندك عجينه لينه
- تلفين العجينه بقصدير وتحطينه بكيس نايلون وحطيها في فرن دافي عشان تختمر زين
اتركيها على الاقل ساعتين ... او اعجنيها بالليل وحطيها بالثلاجه وبالنهار طلعيها من الثلاجه واتركيهااا تختمر لمده ساعتين ..


نجي لطريقه عمل الخبز :

ملاحظه :
ضيفي مقدار قليل من خضرة الشبنت او الشبك الي العجينه قبل ماتقسمينها لكور ... والله طعمهاااااا بيكووون عجيييب ورهيييييييب يعني تقريبا 3 ملاعق مليانه من الشبت المفروم
والله بتدعين لي ...

سوي كور صغيرة كنك بتسوين خليه نحل او اصغر منها بشوي
على سطح نظيف ومرشوش بالطحين افردي هذه الدوائر بحيث تحصلين على شكل دائري صغير قطره تقريبا عشره سم او الحجم الي تحبينه ... والسمك يكون خفيف مورقيق عشان تنتفخ وانتي تخبزينهاا .

- جيبي مقله وحطيها على النار لين تصير حااااارة
ومن غير اي زيت او اي شي حطي الخبز الي عجنتيه ( وحده او ثنتين بكل مرة على حسب حجم المقله المستخدمه )
- بتنتفخ معك الخبز كنهاااا بفرن المخبز ... اقلبيها على الجهه الثانيه وانتبهي لاتحرقينها بس تحمير بسيط ...


وبعدين رتبي الخبز في صحن التقديم وحطي جنبه الجبن الابيض المخلوط مع البقدونس وقطع الطماط الصغيرة وزيت الزيتوون ...
او احشيهم انتي بحيث تحطين الحشوة بوسط الخبزة وتسكرين عليهاا ( كنها نص دائرة )
الحشوات المقترحه :
البطاط المهروووس - او شاورما الدجاج


وبالعااافيه ولاتنسوني من دعاااائكم

__________________


ودي أبكي لين مايبقى دموع . . ودي أشكي لين مايبقا كلام
من جروح صارت بقلبي تلوع .. ومن هموم احرمت عينى المنام
انطفت في دنيتي كل الشموع .. والهنا مايوم فى دنياي دام
غربتى طااالت متى وقت الرجوع .. . كل عام امنى احلامى بعام
ان شكيت الحال ماحدلى سموع... وان سكت الناس زادونى ملام
طااال صبرى والزمن عيا يطوع.... والرجى بالى عينه ماتنام]



نفتقدك يا بسمه رضاااا يااارب تكونى بخير ياااارب

حقيقة أنا بعد أسئل عن وصفة مجربة مضبوطة للخبز ..


جزاك الله خير حتومة والله شكلها مرة شهية تسلم إيديك..

__________________