السلام عليكم اختي فدن اول شي انا مبسوطه انك هديتي وقدرتي تحكي شوي من الي مضايقك وانا سمحت لنفسي شارك لاني حسيت بيني وبينك نقاط تشابه كثير يعني انا طول عمري ما بعرف احكي الي بقلبي حكي وبضعف وببكي مع اني بكون صاحبة حق ولازم على الاقل اظهر قوتي حتى يكون منطقي اقوى ولاني بعرف ومتاكده انه الرجال ممكن يسكتك اذا بكيتي لكن ما بكون مقتنع برايك لانه ما بسمع الا صوت البكاء مش صوت منطقك على العموم ربنا يفرج كربتك وكرب الجميع .
وحابه احكيلك انه دائما اول سنه من الغربه صعبه اكثر مما بتتخيلي يعني كل شي تغير عليكي يعني جو جديد بكل ما فيه لغه غير عادات غير بتشوفي شغلات ما كنتي تشوفيها الا علىالتلفزيون وغير هيك دورك هون رح يتغير لانه زوجك رح يعتمد عليكي بكثير شغلات ورح تحسي نفسك مضغوطه كثير كثير لازم تتعلمي لغه وتعملي شغلات انتي متعود انها من مهام الرجال هذا غير بعدك عن اهلك وصاحباتك الي تعودتي عليهم عمر بحاله كله رح تبدئي فيه من جديد ولسى لما بكره رح تتعرفي على ناس وتخلصي الهم على اساس انهم من لغتك ودينك و تكتشفي انك ندمانه على كل شي عملتيه معهم رح تحسي بحسره وضيق كبير يعني يا اختي الله يكون بعونك ويصبرك على غربتك وانا ما قصدت ابدا احبطك من هالكلام واحكيلك خذي اغراضك وروحي لبلدك لكن القصد انه الحياه بالغربه كلها صعاب والها اثار نفسيه كبيره وما ترمي اللوم كله على زوجك لانك رح تكتشفي بعد ما تهدي انه ما كان الموضوع مستاهل ردة الفعل منك وشوي شوي بتعودي نفسك تمرقي شغلات وتعصيبات اكبر من هيك لانه الرجال كمان همه كبير دراسته وهم المستقبل واولاده ومرته واهله يعني الله يكون بعونكم ويهدي سركم وحاولي يا اختي تروقي حالك واذا ما بتقدري تحكي جربي اسلوبي انا لما بعصب كثير كثير ببلش اكتب وبعبر عن كل الي جواتي لكن ................بعد ما ارتاح بمسك الورقه الي كتبت عليها وشكيت لها همومي وبرميها او بحرقها المهم تنفسي غضبك باي اسولب انتي بريحك .


بعرف انه اسلوبي مش متناسق وحكيت عن كذا شغله في جمله او جملتين ويمكن تحكي والله يا طيوبه عقدتي الامور وما هونتيها لكن اعذريني اختي لاني حاولت اشرحلك واقع غربة ست سنوات بسطور قليله ما خفي كان اعضم .

بتمنالك التوفيق وربنا يستر عليكي وعلىاولادك وزوجك في غربتكم ويجنبكم اولاد الحرام

طيوبه

كلامك ريحني كثير

أنا عارفه أني لازم ماأخليه يحس بشي وأصلا أنا مومتضايقه مره

من الغربه لأني تعرفت على ناس كثير هنا ونطلع ونجي مع بعض

المشكله انه اذا جت مشكله أبغا أواجهه وأتكلم ماأقدر وبالنسبه لطريقتك اني أكتب جربتها وارتحت لكن تظل المشكله انه هو موب حاس فيني يعني أبيه يحس بالغلط اللي سواه موب اني اسكت

ابي طريقه تخليني اتشجع واكلمه اذا واجهتني مشكله معها؟؟

__________________