ذكرتوني بولادة زوجتي

والله كان يومها يوم جمعه

زوجتي حست بوعد الولاده قلت لها محنا رايحين المستشفى بنروح الكورنيش أمشيك قبل لا توللدي عشان تسهل عليك الولاده

المهم رحنا الكورنيش وحنا نمشي خايفين من أن تولد في الكورنيش والسياره صارت بعيد مرررررره



المهم وصلنا لسياره

ورحنا المستشفى ودخلت زوجتي غرفة الولاده

ودخلت معاها

وكان كل وقتنا ضحك هي تضحك وتتألم

المهم بعدين قالوا لي أطلع من غرفة الولاده أنا قلت لزوجتي إذا حسيتي بتولدي أتصلي علي

المهم

أتصلت علي صديقي وقلتتله شرايك نفولها (فول)

قال أوكى

والأخ اللطيف هذاك اليوم قالي خلنا نجرب مطعم جديد ... قلتله يله والله لا يوريكم الفوووووووول طلع بايخ

قلتله لو راييحين فولة .......... مو أحسن.

المهم وتونا طالعين من المطعم إلا زوجتي أتصلت علي قالت لي شكلي بولد

وطيرااااااااان

رحت المستشفى

ودخلت غرفة العمليات

والدكتورة تقول حق زوجتي يله (دفعي) معايا

المهم أنا كنت ما سك أيدين زوجتي عشان أحسسها بالأمان والعاطفه وكان راسي مائل على راسها

واثناء الولاده أقول حق زوجتي خبز خبزتيه أكليه باب من باب الدعابه معها

المهم كلها دقائق وتقول الدكتوره البنت جالسه تخرج تقولي الدكتوره تعال إذا حاب تطل وأروح أطل إلا صحيح البنت راسها مبين والدنيا كلها دم

المهم إلي ما أقدر أنساه

يوم الدكتوره حطت بنتي على جسم زوجتي وأول ما فتحت البنت شفتنا مع بعض

وبعدها طلعت زوجتي من غرفة العمليات

وأنا كلا خايف يخربطوا بنتي مع أحد


ويوم جابوها شفتها طلعت شبه خالها وحطيت أيديني على راسي أنا فرحان ومو فرحان

فرحان لأني تأكدت أنها بنتي لأن تشبها خالها

ومو فرحان لأ شبه خالها أقول أهو أهووووو كنا في واحد صرنا في الثنين

أبشركم صارت البنت تشبهني

المهم وهذي كانت قصتي مع ولادة زوجتي

وللعلم كان دخولي مع زوجتي الغرفه الأثر الكبير على نفسيتها

والأثر الأكبر أنها تقولي مراح أنسالك الموقف هذا طول عمري وغير أعتزازها فيني

وأسف