الشهادة الشهادة الشهادة ..
اضغطي على نفسك ، وخذي طفلك للحضانة ، وانجزي المادة عاجلا غير آجل ..

ولاتنتظري من زوجك أن يشجعك على الدراسة !
احزمي أمرك وتوكلي على الله مادام أنها مادة واحدة فقط !

اسمعي نصيحتي لاتؤجلين لأنك لو أجلتي ماراح تنجزين إلا بعد سنين طوال ، وقد تفوت الفرصة عليك ..



وفقك الله والخيار لك ولاتنسي الاستخارة ..

__________________
أحب جبالك يالجنوب وأحبك لأنك أنتي الجنوب

اختي انا مريت بتجربه مشابهه وياك والغلط

الشهاده اهم من اي شيء ثاني في الدنيا وانتي ماباقيلك الا ماده واحده لا تأجلي الموضوع عشان ماتبردين زياده وتاكدي ان كل كورس راح تجلسينه بالبيت راح يقلل من استيعابك ويسبب لك كسل زياده

وفترة الحمل بالنسبه ل فترة ان عندك طفل وانتي تبين تكملين تدراستك ماتقارن .


سجلي غصبن على زوجك لايضيع مستقبلك بعدين تندمين قد شعر راسك

ولي صار وقت الولاده طبعا ام زوجك ماتحب الاطفال لكن الطفل الي بهذا العمر محد مايحبه وهذا ولد ولدها والكلام شي والحقيقه لي شافت الولد امامها شي ثاني

احضري خادمه او ان لم ستطيعي بيبي ستر بالساعات تاتي وقت دوامك وتكون هي مع ام زوجك يعني امام عينها .. او انك في وقت الولاده راح تكونين بالنفاس عند امك وتكملين الفتره مابعد النفاس الي التخرج
في بيتهم وما اتوقع هالفتره كلها راح تكون اكثر من شهرين

والرضاعه الطبيعيه تستطيعين ترضعينه طول اليوم .. قبل لاتروحين الدوام رضعيه واذا رجعتي رضعيه والفتره الي تكونين فيها بالدوام يعطونه رضاعه صناعيه او يعطونه تمر والشغلات الثانيه تسد جوعه

اختي احد يوقف قيده عشان الطفل يرضه بكم هالساعه الي انتي فيها بالدوام ؟ صدقيني تتحسفين والله اني ماصدقت اني اتخرج من الجامعه واكبر غلطه سويتها بحياتي اني وقفت بسبب الحمل

زوجك يبيك جنبه الحين لكن لما يشوف المسأله وصلت لمرحلة الخطر بسببه (مثل زوجي وصلتني 3 انذارات من تزوجته وكدت ان افصل من الجاعه) بعدين احترم نفسه وقالي روحي لي بيت اهلك اخر شهرين بالدراسه
عشان ماتكون عندي مسئوليات ولا طبخ ولا شي

لاتخيلن مستقبلك كله يضيع تخرجي واشتغلي وخلي عنك معاشك لي متى تعتمدين على زوجك ولي متى بتاجلين بالدراسه ؟


اسمحيلي على اسلوبي لاني انفعلت لاني انحطيت بنفس الموقف ووالله اني لي اليوم متحسفه .. على اني والله الحمد تخرجت وصارت شهادتي بايدي لكن انظر للي معاي سبقوني بمراحل كلهم متوظفين من سنه وسنتين وانا توني متخرجه وما توظفت

عسى الله يسهل عليك

يا اختي لو تمعنتي النظر ستجدي ان أغلب بنات جنسك هم الذين يدفعونك لتفضيل الدراسة على كل شي

حتى ولدك .......

وهؤلاء لن يفيدونك .... قد تكون وحدة معقدة أو مطلقة أو تعبانة بحياتها وما ملاقيها مين يعيشها


استخيري الله

وانصحك بتأجيل الموضوع ... لا تركه


وفقك الله

اختي الكريمه بثينه

والله اني مريت بظروفك واسوأ

ولكن انصحك للمره المليون عليك باكمال هذه الماده

وكونك حامل فهذا افضل وقت لان الجنين لازال في بطنك كما ان حاجة زوجك تقل كونك حامل

ولا يستطيع الاستمتاع بك خاصه في الشهور الاخيره وان انهيت الشهر التاسع وجاءت الولاده

فستكونين في بيت والدك وكلها امور تساعدك على اكمال دراستك

بعدين انتي تتحدثين عن مادة واحده فقط وليست سنوات دراسة !!!

يعني من الانصاف ان يصبر عليك زوجك ويتحمل انهاءك لهذه الماده

وكما رضيتي انتي واتممتي الزواج رغم عدم اكمالك الدراسه واجب عى زوجك ان يتحملك !!

كما انكم اشترطتم اكمال الدراسه ( والمؤمنون عند شروطهم) !!

غيره تحملوا سنوات وهو مايستطيع ان يتحمل شهور فقط !! المفروض يساعدك !!

مشكلتك أثرت فيني خلتني ارد عليج وانا والله منفعله مريت بنفس المشكله واسوأ بكثير لانها كانت سنوات!!

بس صدقيني تدرسين والياهل في بطنج ارحم من تكونين ولدتي

بعدين بيكون في طفل يبغي حليب وفي سهر وفي مواعيد وطواري في الليل !!

وبتكرهين كل شي انا جربت الدراسه وقت الحمل ووقت الولاده وفي كل الاوقات !!

وكانت فترة الحمل رغم صعوبتها وخاصه في الاشهر الاخيره الا انها ارحم من ان يكون عندج رضيع !!

وجربتها حتى في بداية حملي كنت اروح الجامعه بدون ما اكل شي من الوحم وكاره كل شي !!

واطلع من المحاضرات غصبا عني بس اروح استفرغ ومعدتي فاضيه بس من الوحم !!

وارد وانا احس بيغمى علي ويالله اوصل الكرسي !!

واكون قاعده على الكرسي في المحاضره ومو قادره اشيل راسي ومنهده من الوحم !!

بس واصلت !!

والكورس اللي بعده اكون مثقله بالشهور الاخيره يعني تعب مضاعف احيانا ماقدر امشي من الثقل

وبالعافيه اوصل المحاضره تعب وارهاق شديد بس واصلنا وتحملونا ازواجنا !!

ماقولج كانوا مثاليين !! كان فيه كلام واعتراض !!خاصه من اهل الزوج !!

ولمن اربي اكون في بيت هلي لاني جربت الولاده في بيت الزوج ( ماقدر اوصفها ) خاصه مع وجود دراسه

( رغم انه مايعمم على الكل ) في اهل زوج متعاونين وطيبين

المهم .........

ربيت وصارت المسؤليه اكبر يعني متى تدرسين ومتى تنامين ومتى تقومين بواجباتج

حياه جدا صعبه بس واصلنا !! مو انا بس !! كثير غيري !!

ورغم اني كنت ادرس الا اني مارضعت عيالي الا طبيعي يعني اطلع من الجامعه اكثر من مره

ارضع ولدي وارجع واحيانا قبل اروح الصبح وهو نايم اشفط له حليب واحطه بالثلاجه

واعطي ولدي لأم زوجي وهم نايم بعد ماكون رضعته ولبسته وعطرته بكلونيا اطفال حتى تحبه اكثر

وبس يصحى تسخن ام زوجي الحليب وتعطيه له وتساعدها الخدامه عند الحاجه

ويمكن لاني كنت اقوم بعيالي وارضعهم هذا اللي خلى احيانا ام زوجي تسكت عني

وتشوفني رغم كل الصعوبات الا اني احاول ماقصر بعيالي

وكانت دايما تضربني مثال لبناتها !!!

كانت اوقات صعبه وشاقه بس حظي ان الجامعه مو بعيده واهلي تعاونوا معاي بس اللحين وبعد الوظيفه

زوجي مايستغنى عن شغلي ودي اقعد في البيت نهائيا بس هو يبيني اشتغل اقوله تعبت يقولي بغير شغلج

بس استمري في الشغل ( هذه وهو كان يعترض على دراستي ويقولي ماراح تشتغلين والشهاده بتعلقينها
ولا لها قيمه عندي !! )
وام زوجي صارت تفتخر فيني وتتكلم عند الحريم مرة ولدي موظفه وعندها وعندها واحنا ماقصرنا خليناها

تواصل دراستها لين خلصت الجامعه وتوظفت ( رغم انها من اشد المعارضين على اكمال دراستي

ويا ما منعتني واعاقتني وخربت علي!!! )

بس اللحين تفتخر جدام الحريم انهم يحبون العلم ومايعيقونه !!! بدليل ان زوجة ولدها اللي هي انا

واصلت تعليمي الين الجامعه وتوظفت بعد !! وخاصه تقول هالكلام جدام اهل ازواج بناتها !!

( رغم ان الحقيقه شي ثاني بس انا اخليها تألف على كيفها ماضرني شي )

المهم يا اختي لا تهملين بهالماده وشدي حيلج الا ماده واحده

صدقيني اللحين الوضع اسهل وشدي حيلج عدل وادرسي للماده اول باول بحيث لو صارت ولادة

وتاثرت درجاتج شوي تكون نافعتج الدرجات اللي حصلتي عليها في البدايه قبل الولاده

ويقولون اسال المجرب واحنا مجربات وقلنا لج قبل الولاده وقبل وجود طفل واصلي وكملي

الا ماده واحده يتعب شوي زوجج ويتحمل وبعدين انتي حامل مو قادره تريحينه

فما يضره لو بعدتي عنه شوي وحتى لو سكن معاج في بيت هلج لو كانوا قريبين من الجامعه

المهم كملي الماده

وان شاء الله نفرح فيج

ترى التخرج من الجامعه لها طعم ثاني راح تجربينه لمن تنجحين

وبالتوفيق

اختك صريحه جداً

__________________

أنا سأسئلك أسئلة بسيطة و جاوبيها لوحدك


لو تضررتي و حصل لك - لا سمح الله - شي أو حادث حرمك من الأنجاب أو أسقط جنينك.... هل ستعوضك الدراسة ??


لو حصل لطفلك مكروة في غيابك و كرهك زوجك و أهلة بل و أهلك وحملوك المسؤلية هل ستعوضك الدراسة ??


لو تركتي طفلك و مرض ولم تسطيعي رؤيتة هل تعوض حسرتك الدراسة ??

لو تفاقمت المشاكل مع زوجك ووصلت للطلاق هل ستعوضك الدراسة ??


لو وقفت أمام ربالعباد ووقف أبنك يشتكي تقصيرك لة في أشد مراحل حاجتة لك هل ستعوضك الدراسة ??


لو نام زوجك غضبان وباتت الملائكة تلعنك هل ستعوضك الدراسة ??


لو غضب عليك الجبار لغضب زوجك و أدخلك النار هل ستعوضك الدراسة ??






لا أقول إتركي الدراسة و أعرف صعوبة العودة بعد إنقطاع لكن لا أتخيل أم تترك أبنها الذي لم يتم شهورة الأولى لساعات ..كيف سيطاوعك قلبك و كيف ستركزي على الشرح و و و...




أتفقي مع زوجك على أهمية الدراسة لك و رغبتك الجادة بأنهاء الشهادة لكن بعد أن يكون أبنك قادر على فراقك و أستعيني بالله وهو خير معين

__________________

أؤيد كلام الأخ Shark مية المية

هلا حبيبتى ...

انا مع وجهات النظر الا بتشجعك لتكميل الدراسه ... وووالقليل من زجهات النظر مع الطرف الآخر ...

بس حبيبتى أقلك نصيحة أخويه .... الشهادة الجامعيه حبيبتى ســـــــــــــــــلاااااااااح في يد المرأة مو اقلك علشان تتخرجى وتتوظفي بلعكس حبيبتى انا اقلك لأن سبحان الله الظروف ماتعرفيها ويارب ربي مايحوجك لهادى الظروف الشديده اسمو معاكى شهاده جامعيه وانك فتاه مكمله تعليمك ..

حبيبتى ياما بنات ماشاء الله درست وكافحت بطفل وطفلين الين ما انتهت من الجامعه ..
واعذرينى ترا البنات هما أدرى بمصلحتهم أكثر من الاولاد ..
حبيبتى انا أقلك قصه:" عمى الله يرحمو تزوج ومراتو كملت الجامعه .. وطبعا بعد الزواج ما شاتغلت .. وكانت برغبه منها ربك أراد أن ما يعيشو مع بعض الا 3 سنوات فقط وأتوفي عمى وفاة مفاجىء وهو لسه صغير في السن كان جاب منها ولد عمرو سنه ونص وبنت 3 شهور الله يرحمو وطبعا مالو غير 3 سنوات في وظيفه حكومية مامدا يوصل راتب التقاعد حاجة تكفيها هيا وأولادها ... وصح أهلها ماشاء الله كانو مقتدرين بس برضو البنت ترفض انها تتقل على اهلها او تحس انها بتكلف عليهم في حاجة .. ايش عملت قدمت على وظيفه وجاها تعييين واتعينت وعاشت عيشه كريمة هيا وعيالها ووهيا مرتاحة .. وراتب التقاعد الا يجى لعملى الله يرحمو سارتمسكو أبدا شايلا لعيالها وتصرف عليهم من راتبها ماشاء الله عليها فأيش نفعها اللحين غير شهادتها ..

وغير كدا حبيبتى مرات الوحده تساعد زوجها خاصه لو كان من ذوى الدخل المحدود وطبعا برغبتها ورغبتو ومو على حساب صحتها طبعا فالشهادة راح تفتح لها ابواب لوظيفه مرموقع وراتب جيد ..

وغير كدا حبيبتى من وجه نظرى أن الوحده لمن تكون في جلسه واحد يسألها الين وين واصله تعليمك ترفع راسك وتقولى جامعيه او دراسات عليا وانتى مستفيدة وأثقلتى شخصيتك ووسعتى مداركك وخدمتى مجتمعك ووطنك ولا وحده عفوا جاهله ماهى مكمله تعليمها غير الكفائة المتوسطة ولا الثنوي ولا ابتدائي بس تحسي في اختلاف في التفكير وومن الكلام يبان انك جامعيه مثقفه ولا لسه ماكلمتى .
وبعدين حبيبتى انتى مشيتى في الطريق وسلكتى مابقي حاجة تقومى اللحين توقفي وماتكملى تعليمك والله حراااااااااام سنين عمرك تروح كدا اجمعى بين دراستك وبين بيتك مافيها شي ..
انا أهلى من النوع الا شهادة الجامعه هيا كل شي واول شي شهادة الجامعه وأختى اتزوجت وهيا في 2 جامعه ووكملت وهيا حامل وولدت وكانت تجيبها بنتها عند ماما ، ومرات أخوى بعد ماشاء الله ربي اعطاها طفلين وورا بعض ماعنها كانت تاخد موانع بس نصيبها وكملت واللحين والله يشكرو هم على أنهم كانو وراهم وراهم حتى اخدو شهادة الجامعه ...
حبيبتى عندك حل انك تاخدى طفلك معاكى للجامعه في حضانه خاصه وتستأمنى علي لو كنتى بعيدة من أهلك وأهل زوجك وليكى الحق بساعات أمومة تروحى تطلى على طفلك ومنها بتكونى قريبه منو كل ماعندك وقت فاضي او الدكتور طلع بدرى تقدري تروحى الحضانه وتشوفي أبنك بس الشهاده الشهاده الشهاااااااااااده ارجووكى

حبيبتى فكرى في المستقبل تعب ساعه ولا عذاااااااااااااااااااااااب ألف ساعه ماتعرفي حبيبتى الزمن ايش يخبى للوحده لا قدر الله ..

الشهادة الجامعيه ســــــــــــــــــــــــــلاح قوى للمرأة لا تستهينى بيها
والله حبيبتى أبغا ليكى الخير

أختك
بتول

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]

إنك ان اجتزت الجامعة ونجحت .. ليس بالضرورة أن يفرح زوجك بالنجاح .. بقدر ما أحزنه ..

تجاهلك له ..فهو لن ينسى هذا الموقف ..الذي أظهر منزلته لديك .. بأن جعلتيه .. أحد كفتي المقارنة ..

وتذكري قولي .. سيبحث زوجك عمن تراه ولا ترى ما دونه ..

ثم استخدمي بعد ذلك ما ذكرته الأخوات ( سلاح الشهادة ) ..

وقــال النبي صلى الله عليه وسلم لامرأة: (( اذات زوج أنت ؟)) قــالت: نعم.

قــال (( فانظري أين أنت منه، فإنما هو جنــتـك ونارك ))

رواهالترميذي وصححه الالباني

فإذا كانت الشهادة جنة الدنيا أو نارها ..

فزوجك جنة الأخرة ونارها .. فشتان بين الدارين ..

فمن فقهت حق الزوج , استحالت دنياها الى جنة .. ترتع فيها ..

ومن تجاهلت حق الزوج , فكل ما دونه أفضل منه ..استحالت دنياها الى نار ..

تمنت أن الجميع مثلها .. ليبرر لها فعلها ..

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

حبيبتي اسالي المجربين وامامك تجارب مجربين واياك والغلط

الجنين لن يموت لانك تدرسين والطفل لن يموت جوعا اذا رحتي الجامعه 5 ساعات .. اصلن بالولاده الرعايه للطفل مقسمه بينك وبين والدتك استحاله تقدرين تجابلينه 24 ساعه

وكملي الحين احسن من تكملين وهو كبير .. الطفل في اشهره الاولى يرضع وينام مايحتاج تجابلينه مثل الكبير

ثم انتي لاتظمنين ينزلون الماده الكورس الي بعدها

اتكلي على الله الدراسه اهم شيء للمرأه

__________________
... ( بالحب نعيش أجمل حياة ) ...