آآآآه نزّل دمعة أبوي .. مقهووورة والقهر شين (بنت أخته)

30-11-2005, 03:39 PM

#11

بنت أخته

عضو متألق

تاريخ التسجيل: May 2005

المشاركات: 455

اقتباس:

المشاركة الأصلية كتبت بواسطة المتغلية

فلتبقي على طلبك
أما تكليمك لوالده
فإن عرفت أنه حكيم...

هلا بك أختي الغالية المتغلية .. اجل ما نسيتيني؟؟

بصراحة حتى انا ما نسيت قسوتك علي وقتها .. بس كنت عارفه انها من محبتك وحرصك

بالنسبة لأبوه .. هو إنسان حكيم وعاااقل جدا .. لدرجة أن ابوي لما اتصل علي وبلغه طلبي الانفصال .. قال:
"اللي تبووون الواحد اذا كره طعام عافه وتركه" <<< شوفي رده كيف كله حكمة وعقل ليت ولده زيه

اقتباس:

المشاركة الأصلية كتبت بواسطة المتغلية

ولا تشعريه بأنك تضايقت من اساءته لأبيك.......لأن خلقه سيدفعه لتكرار ذلك ليؤذيك!!!!!!!!!!!!!!!

صدقتي .. للأسف يفرح لاستفزازي لذلك ما عطيته اللي يبي وما حسسته أنه جرحني

اقتباس:

المشاركة الأصلية كتبت بواسطة المتغلية

كوني صريحة معه..
اطلب الطلاق ....لأنك كذا...كذا ...كذا
ولن اكلمك مرة أخرى
وامهلك مدة شهر
وإلا طالبتك في المحكمة .....فالبلد ولله الحمد فيه نظام وليس في الموضوع لعب...

هو جا عندنا أمس وجلست معه .. وكنت صريحة معاااه لآخر درجة ..

يقول"ليه تبين الانفصال" .. قلت"لأني ما ارتحت معك والا لك وانت علمتني المثل اللي يقول ((كل كره واشرب كره بس لا تجالس كره"

قال" صحيييييح ،، واللي ما يبينا ما نبيه "

بعدين قال قرار مين هذا .. قلت قراري اتخذته بعد استخارة وتفكير وعمل بالاسباب شهرين

قال ايه هذا قرارك انتي .. بس انا طرف في الموضوع .. وبقولك ((ماااااااااااني مطلق))

قلت ((ليه التناقض .. قبل شوي تقول اللي ما يبينا ما نبيه))

قال ايه بس انتي اخذتي وقتك .. وانا باخذ وقتي .. قلت يعني بتخليني معلقة؟؟؟ سكت

يعني بيخلني عند أهلي وما ادري مدري بيقرر .. طبعا من حقه .. لكن الله يستر والله يفكني مته على خييييير

اقتباس:

المشاركة الأصلية كتبت بواسطة المتغلية

غاليتي
حزن أبيك وبكائه.....لأنه ادرك بنفسه سوء خلق هذا الرجل....الذي رضي به زوجاً لأبنته

والحل ...
أن تخففي عنه هذا الشعور...( التقصير)
بأنك لم توافقي إلا بعد استخارة..
وأنك تركتيه وأنت مرتاحة
وكل ما يهمك الآن أنك تريدين اسعاده هو ...لأنه عانى من أجلك

غاليتي
إحدى قريباتي لها ابنه..حصل لها نفور من زوجها بعد قرابة 4 أشهر وساءت حالتها الصحية
وجلست عند أهلها فترة
ولما طلقها.....تحسنت وعادت لها البسمة....وزانت صحتها

حبيبتي فعلا أنا دايم أقول له كذا ..

آخرها أمس دخل علينا بعد ما طلع زوجي .. وقال لا تضيقين صدرك

قلت مااا ضاق صدري وما حرك فيني شعره اهم شي أنت لا يضيق صدرك

وبالنسبة لي فعلا لما اخذت القرار بداخلي تحسنت نفسيتي حتى شهيتي للأكل زانت وحسيت بالراحة والطمأنينة

الله يسعد قريبتك ويعوض عليها خير

مشكووورة يالغالية لردك ومتابعتك موضوعي من البداية يمكن من أكثر من ست شهور

__________________

اللهم أجرني في مصيبتي واخلف لي خيرا منها

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه