الله يعينك يا أخوي
والله يهدي زوجتك
شوف أخوي سالفة الطلاق شيلها من بالك
وبما ان نحن الحين على أيام عيد حاول تراضيها وتعطيها المبلغ اللي اهي طلبته واذا كانت في بيت أهلها خليها لين يوم العيد وتعيد عند اهلها بس انت اول ماتصحى الصبح تتصل فيها وتبارك لها بالعيد وتقول لها تجهز نفسها في المساء لانك بتمر لها عشان بتطلع وتتعشى معها وانسى الخلاف اللي صاير بينكم وحاول تكون معها مثل ماكنت اول ايام زواجكم وطبعا هالشي مايصير الا بعد ماتجهز انت الأجواء في البيت عشان بمجرد ماترجع لبيتكم مايرد الوضع مثل قبل وتجهز البيت من ناحية النظافه والترتيب وتسوي لها أجواء رومنسيه في البيت يعني شموع وورد ومن هالحركات وتحاول تغير في ديكور البيت وخصوصا بغرفة النوم اتغير حاول تسوي فيها حركات مثل تشتري اوراق نوتات وتكون على شكل قلب او تجيب اوراق وتكون اوراق مميزه يعني فيها بعض الحركات وتكتب لها كلمات حب وغزل تبين لها شكثر تحبها وتوزع هالنوتات في اجزاء من البيت وحتى في غرفة النوم وتكون هالأوراق ظاهره يعني اول ما تشوفها تجذبها او يكون عندها فضول عشان تعرف ايش في هالنوتات ومثل ما قلت لك تكتب لها كلمات غزل وحب وشوف ايش ردة فعلها
ونجي لغرفة النوم طبعا النوتات تكون موجوده وتغير لون غرف النوم عن طريق الاضاءه فيها وتكون الاضاءه مناسبه للمفرش السرير وتشتري شموع نفس لون الاضاءه والمفرش وشتري لها هدية تكون غاليه عشان تبين لها عكس الكلام اللي في بالها وتشتري لها باقة ورد كبيييييييييييييييييييييره تكون بلون واحد وتكون ورده وحده بلون مختلف في وسط الباقه وتكتب لها بطاقة تعبر عن شعورك لها وانك مستعد تفتح معها صفحه جديده وهاليوم يعتبر اول يوم زواج لكم وفي اليوم الثاني اتوديها لفندق اللي قضيتوا فيه شهر العسل اذا تقدر ونفس الغرفه وتكون متفق مع اصحاب الفندق انهم يجهزوهالك بمواصفات انت طلبتها واذا ما تقدر تروح له تحجز لكم في افخم فندق في منطقتكم وتقعدوا فيه ثلاث ايام على الاقل وتحاول انك تنسيها الايام اللي طافت والمشاكل اللي صارت بينكم
اما مسألة تنظيف البيت وشغله حاول تجيب لها شغال بالساعات عشان تسوي عنها شغلات البيت واذا ما تعرف تطبخ حاول تساعدها في هالشي يعني تعمل مسابقه او تحدي بينكم في الطبخ يعني تدخل انت المطبخ وتطبخ طبخه وتعمل سويت(طبق حلو) واطلب رايها في طبخك وخليها هي تطبخ بعد لكن مو في يوم واحد كل واحد في يوم وبهالطريقه رح تتكمن من الطبخ .
حاول تكون شخص ثاني معها يعني تغير بس للاحسن واذا ما نفع معاها هالشي هددها بالزواج وعقابها عند ربها لانها تعصيك وقول لها ان طاعة الزوج واجبة واذا ما نفع معها اكتب لها ايات من القران واحاديث تبين لها هالشي وخليها في اماكن ظاهره عشان تشوفها وحاول تبعد الاهل عن مشاكلكم هالفتره ويمكن الله بيهديها وتتغير.
اما سالفة الطلاق انساها وقولها انك مستحيل تطلقها وبتخليها على ذمتك وبتتزوج عليها وشوف ردة فعلها

والله يهدي زوجتك

وانتظر النتيجه