خطيبي ... عندما تعودت عليه ... سافر وتركني
السلام عليكم ورحمة الله وبركاته ...
شخباركم ان شالله طيبين
انا عضو مدري عضوه جديده في المنتدى ... ولي الشرف اني اشترك بهالمنتدى الراااائع ... لأنه في اشيااااء كثيره الواحد يستفيد منها
ااااه المهم مابغى اطول عليكم ,,,
بقول لكم بداية مانخطبت .
قبل كنت انا رافضه مبدء الزواج كنت ابي اتمتع بحياتي .. تعرفون في سن 21 يحب يطلع ويروح ويجي ويطلع مع اصحابه وعروس وطقطقه الى ماله نهايه وكانت حياتي يا نت يا تليفون ياطالعه يا نوم يا اكل وتليفون صديقاتي ونسولف طووول الوقت وبالساعات ... ومع الايام جاتني اختي وقالت لي ترى بجونك ناس وجاو اهله وشافوني ,,, وحدادنا يوم شوفة السنه .. وكانت شوفة السنه يوم الاربعاء ... والحمد لله صار موافقه بين الطرفين .
والرجال قال يبغى يملك ... علشان هو يدرس برره في باكستان وبيقعد 6 شهور وبعد مايجي بصير زواج ان شالله الله والحين باقي له شهرين لين مايجي بالسلامه .. المهم شافني الاربعاء والملكه صارت السبت طبعا قعد معاي ,, وكنت مرره منحرجه ومستحيه منه هو يسولف وانا ساكته حسيت من كلامه انه رومنسي وحسيت انه شخصيتي غير عن شخصيته وكان يقولي كلام حلو واحلى من العسل ... وانا ماعرف شقوووووول كنت اسمعه بس .. يعني زي مايقلون سمعي بس لا تعطين ... وانا اصلا ماني عارفه اتكلم ... المهم ملكنا السبت وراح يمشي الخميس .. قعد معاي بس 6 ايام ,, قالي ان شالله اذا سافرت بكلمك تليفون ... قلت اوكي حسيت انه الوضع عادي .. وكلمني .. اسولف معاه عاااااااااااااااااادي وهو تأثر من هالشي يقولي ليه تخبين عني ليه ماتطلعين اللي بقلبك وقالي احس انك متحبيني ... يعني كلام طويل وعريض .. المهم .. انا طبيعتي اعرف الشخص وادرس شخصيته اذا كان قدام عيني اعرفه بنظرات عينه ومستحيل اعرف شخص عن طريق تليفون ماحس اني اعرف اتكلم مع خطيبي بالتليفون من جد انا عاااانيت معاناه يوم سافر توقعت انو الوضع بصير عادي وصارت مشاكل بيننااا علشان مادق ماسئل عنه ,, بس ماحس اني تعودت عليه ماحس اني اهتم في انا مالووومه ... هو مايقصر يتصل علي وكلم .. بس انا مادق ماتصل ونادر اتصلاتي له .. ويمكن اذا حبيته بحبه علشان اي زوجه لازم انها تحب زوجها ... وانا ماحب هالشي ,, بس من جد انا ماتعودت عليه ,, وحاولت اتكلم واطرح مشكلتي لأحد من خواتي وله صديقاتي ,,, ولاحظت انه كل ازواجهم يوم انخطبو انخطبو وهم موجودين وقعدو معهم 4 شهور وكانو يجونهم لييين البيت ... وانا اللي ماتوعدت وكنت رافضه مبدأ الزواج قعد معاي 6 ايام وسافر عني من جد كنت اعاني بشكل ماتتصوووروون قمت اسئل نفسي ليه مادق عليه ؟ ليه ماسئل عنه ؟ وانا احس اني راعية واجب !! وهذا زوجي ليه مااتصل عليه ؟ وكل تفكيري ليه ؟ وليه ؟ وليه ؟ كنت ابغاه يجي بأي طريقه ابي افهمه بشكل مو طبيعي حسيت انو في مشاكل بييننا ,, وأسئل خواتي وبعض البنات يقلون احلا شي فترة الملكه ... وانا فترة الملكه كل خناق وصياح ومشاكل ... انا قلت هالشي علشانه بعيد عني والله لو كان موجود ماكان صار هالمشاكل كل هذا علشاني مافهمته وهو بعيد عني ... انا ماأعرف ,, بأن اعرف شخص وهو بعيد عني مستحيل اصلا ولا واحد منكم يقدر يفهم شخص وهو بعيد عنه !!!! وكان يقولي انتي ماتهتمين انتي مهمله انتي ماعندك ريحة المسؤوليه كلاااام وياكثر الكلام
وقعدنا على هالحال 4 شهور وبالموت رضو الجامعه في باكستان يعطونه اجازه اسبوع واحد فقط لا غير . وكان جاي علشاني يبي يعرف انا ليه كذا اعامله ليه مادق واسئل عنه كان جاي يبي يتفاهم معاي ... وتفهامنا والحمد لله ... كنت اقوول لأمي يمه خطيبي جى وماحس اني اهتم فيه ماحس اني اسئل عنه ليه انا كذا كنت متضايقه من هالشي ... قاعده اقول لنفسي قبل كنت اقول علشانه بعيد عني .. طيب الحين هذاهو جى ليه مادق ليه ماسئل ليه ماني حاسه انه زوجي قالت لي اختي علشانك ماتعودتي عليه ... وماكنت مرررره احبه ... كنت عاديه معاه كننت اقوله كلمة احبك و مو من قلبي كنت اغصب على نفسي بأي كلمه اقولها علشان مايزعل مني وله يتضايق لأنه حاب يسمع مني هالكلام وحشتني احبك فقدتك .. المهم خلاص الحين الرجال بروح وقمت افكر وقلت الحين هو جاي علشاني ليه اعامله كذا والحين خلاص بروح عني وباقي له يوم ونص وبسافر
في هاللحظه حسيت اني قريبه منه في هاللحظه هذي مابيه يروح مني في هاللحظه حبيته وحسيت انه زوجي وبعدها سافر وراح عنييي يوم اني تعودت عليه هنا انا حبيته وخفت عليه
كنت قريبه منه بس ابي اتقرب منه اكثر واكثر واكثر واكثر ... وتعقلت فيه اكثثثثر يوم صار عندهم زلزااال في باكستان هناااا اناااا خلاااص احس اني صرت قريبه منه كل شوي قمت ادق عليه واسئل عنه واتصل عليه ماعندهم ارسال واحط على التلفزيون على الاخبار ويقلون انه ماعندهم التيار الكهربائي منقطع وارسال التلفون مايرسل ... انا هنا خلاااص قمت ابكي ماني عارفه انام ولا ادرس هنا حسيت اني قريبه منه ودايم اتصل والسستم عطلان عندهم حق الموبايل ماني عارفه افطر ولا اتسحر وكل ماطالع الاخبار تسوء حالتي اكثر واتصل عليه بالموت يرررد علييي . هنا هو ارتاح مني حس اني مهتمه حس اني تغيرت بالفعل ... اهم شي بالفعل
المهم كان يكلمني وهو ضااااايق صدره حاولت اني اوااسيه اوسع صدره مافي فايده لأنهم مهددين بهزه بزلزال وكان خااااايف وحاولت اني اهديييه مافي فايده ماني عارفه ايش الكلام اللي اقوله ؟
قلت له اقرى قران حصن نفسك لا تجيب لنفسك الوسواس وانتبه على حالك .. قال هذا شي مو بيدي اللي ربي كاتبه لي بصير ... وهذا زلزال ,, وهو ساكن بتاسع دور تخيلو ... يقول بس انتظر شي يجيني قلبه وكلامه كان حزييييييييين مرررررره حاولت اونسه مافي فايده
ما احبه يتضايق مني ولا يزعل مني حتى قبل ماتعود عليه ماكنت احب اضايقه ولا ازعله .... المهم
تكفون الحين هو بحاله يعلم الله فيها ... تكفون عطوني كلام سنع عطوني كلام اهاديييه اونسه اسعده ماني عارفه اتكلم معااااه وهو متضايق اذا سمعت صوته متضايق اتضايق معااااه واذا فرح افرح معاه ,,, بس انا ابي اذا هو تضايق انا اونسه اسليه ,,, واليوم دق علي طووول الوقت انا اتكلم وهو سااااااااااكت مايتكلم ومتضاااااايق حده ,,, ابي اسليه ابي اضحكه ارسم البسمه بشفته مافي فايده ... تكفووووون سعدوني عطوني حل ؟؟؟؟؟؟؟؟؟
انا قلت بسولف معاه بسوالف تووانس ,, بس حسيت اني فاضيه ومالي داعي ,,, يعني هو في وادي وانا في وادي
افيدوني افادكم الله ...
واااااسفه مرررررررره على الاطاله ,,, بس كنت حابه تفهمون معاناتي اول بأول
وعتذر منكم مره ثانيه ,,, وجزاكم الله خيييير
20-10-2005, 05:10 AM
ضوابط المشاركة
العرض العادي
