لتجديد المحبه بين الزوجين
السلام عليكم ورحمة الله وبركاته
لتجديد المحبه بين الزوجين ولو بغيتي تعبرين عن حبك ويظل ذكرى للأبد.. أو حتى حبيتي تقدمين هديه لشخص عزيز عليك.. شوفوا معي هالفكره..
المواد اللازمه:
* فازه بالشكل اللي يعجبك..
* جل للشموع
* ورد أو أشكال قلوب أو حجاره ملونه أو الشكل اللي تبين..
* فتيله..
* ورق نايلون لاصق شفاف يمكن الطباعة عليه بالكمبيوتر..(ممكن استعمال ورق التجليد الشفاف)
الطريقه:
- اول شي نتأكد ان الفازه نظيفه وما فيها غبره أو أوساخ..
- نوزع الورد أو الحجاره الملونه او القلوب (او الشكل اللي اخترتيه)
- ونحط الفتيله.. بعدين نصب الجل في الفازه..
- قصي ورق النايلون اللاصق بالمقاس اللي يناسب الفازه..
- وبعد ما تكتبين الكلام في الكمبيوتر اطبعيه على الورق الشفاف اللاصق..
وانتظري الين ينشف الحبر وبعدين لصقيه على الفازه.. (أو ممكن تكتبين بخط ايدك اذا تبغين)..
وبكذا تكونين سويتي هديه مميزه من صنع ايديك لأغلى الناس على قلبك..
أتمنى تكون عجبتكم..