عزيزتي موووووون

صباح مليء بعبير الفرح ..


عزيزتي الزوجة لازم تصارح زوجها

وتبين له ان الحديث الذي دار محرم ..شي مايرضي ربنا ابداً

وانه لازم يقاوم كل شي سمعه بايمانه بالله سبحانه وتعالى

ويتذكر ان الله حذرنا من التفكير او النظر لما يمكله الغير ..

بعدين تتكلم معاه وتقول له ان مابين الصدق والكذب اربع اصابع

انت تسمع شي لكن لاتتوقع ان كل شي تسمعه صح

يمكن عليه بهار زيادة ويمكن ينوصف بطريقة تختلف عن حقيقته

ويمكن الكلام من وجهة نظر المتكلم وهاي تختلف من انسان لانسان

يعني ممكن انا اقول ان هالانسانه طيبة وشخص آخر يقول انها متكبرة

ويمكن انا اشوف فلم او آكل شي ويعجبني بس مايعجب غيري ..

وبعدين تبين له مدى حبها وتفانيها له

وانها مستعدة تبين كل شي عشانه وعشان راحته ومافي في الدنيا وحدة بتحبه وبتراعيه وبتحن عليه

كثرها وبعدين تقول له بعض المواقف الحلوة الي صارت بينهم وتقوله انه مب من العدل ان يقارن زوجته

او تصرفاتها بانسانه ثانية لان كل وحدة وظروفها وطبيعتها ..

ومع الايام والدعاء له بالهداية وتحاول تنسيه ولاتذكرة واذا قال شي تسوي عمرها ماسمعت ولاتعير للموضوع اي اهتمام

بالعكس تغيره وتبدأ توصح في محاسن زوجها قدامه وتتغزل في جماله واخلاقه

لان هالشي ينعكس على الزوج بطريقة جمييييييييييلة وتخليه يتعلق بزوجته اكثر لانه يشوفها انه تقدره

ومايسمع هالكلام الا منها ..

فعليها بالاهتمام به من الجانب العاطفي النفسي والمدح عشان ينسى الي صار..


تحياتي لج وربي يوفقنا معاكم لما يرضيه