مساء الخير اختي لولو

حبيبتي ما راح ازيد على اللي قالوه الاخوان والاخوات لانهم من جد ما قصروا ويعطيهم الف عافيه
بس حبيبتي الايمان بالقسمه والنصيب والتوكل على الله خاصة في امور الزواج والله لها منفعه عظيمه
حبيبتي المساله مو مسالة زين او شين بالعكس ياما فيه ناس الله ما رزقهم بالجمال ومع ذلك متزوجين وعايشين احلا عيشه وياما ناس يفوقون بالجمال الخيال ولحد الان ما تزوجوا
يعني ابدا مو دليل انه والله شافوني ولا رجعوا يعني انا فيني شي غلط !لا بالعكس المفروض هذا يقوي عزيمتك وانه لو ما سمعوا كل شي طيب وزين عنك ما تقدموا ولا طقوا بابكم..

وكثيير بنات بما فيهم انا نمر بمثل هالمواقف وبالعكس خذي الموضوع بفرفشه وسعة صدر,تدري انا لما تقول لي امي بيجون ناس يشوفونك ابدا اعلق على الموضوع واضحك وكل شوي تلاقيني البس واغير واقول حلوه البضاعه كذا والا نشوف شكل ثاني....

يعني ابدا لا تحطي في بالك ولا تفكري وعليك بالقرآن وسورة البقره كل ليله خصصي لها ساعه بس والله ان تشوفي الخير والسعاده ...

بس قوي ايمانك بالله اولا وعززي من ثقتك بنفسك ثانيا ولا يهمك كثر الخطاب او كثر اللي يشوفونك ولا يرجعون لان اللي الله كاتبه لحد الان ما طق بابكم

والله يسعدك ويوفقك دنيا واخره
ونفرح لك قريب


اختــــــــــــــــك
[grade="00008B FF6347 008000 4B0082"] سندريـــــــــــــــــــلا[/grade]