أخوي مافهمتني تأجيل الزواج لظروف عندكل واحد فينا هذا شي متفقين عليه وانتهينا بس مومعقوله نستمر بالمكالمات لمدة سنتين أوأكثر
ومافي عقد يربطنا صحيح إني مع مكالمات التعارف في فترة الخطوبه وايدها لكن ماني قادره ابدا استوعب ان مكالمتنا بتستمر لأكثر من سنه وكل واحد يحاول
يكون رسمي مع الثاني بقدر الامكان ويخاف يطلع منه كلمه او كلمتين لسا بدري عليهم غير انه تخيلوا هل بتجلسون تتكلمون مجرد كلام تعارف وسواليف فتره طويله من الزمن
الالتزام بالرسميات في الحديث بيكون نهايتها الملل اكيد عن قريب من ناحيتي ومن ناحيته واعجز اطلب منه نقطع المكالمات
وحده من قرايبي كانت نفس حالتي جلست فتره طويله بحكم الظروف اربع سنوات تقريبا وكلمت خطيبها فتره محدوده اخذت منه واخذ منها بعد كيذا طلبت منه ما يكلمها الى الملكه وفعلا هذا اللي حصل بس للاسف ماعندي الجرءه اللي عند قريبتي
ولاادري ايش اسوي لأن عندي احساس ان يوم الملل والزهق من الاستمرار بالمكالمات بيجي وانا ابي اتجنب هاليوم واتمنى تكون مجرد شكوك ان شاءالله ماتصير ابي نصيحتكم