اختي حصل موقف غريب لم اتوقعه في الشارع باب المنزل انقفل على شنطتي وما عندي مفتاح وسرت معلقه لأنه الشنطه على كتفي واضطريت اتصل بالبيت عشان يفتحو الباب ولاكني كنت اضحك بس صوتي غير مرتفع كان على قد الموقف بصوت خافت وانا بتكلم بالجوال وكان الوقت ليل يعني ما في عفاريت بالشارع وهو بالسياره قريب عند الباب يعني يسمعني والاولاد معاه بالسياره والشغاله ويخرج راسه من الشباك ويقول يا قليله الحياء يا وصخه وسكت ولم ارد عليه لأني استغربت من كلامه واسلوبه وعندما ركبت السياره قلت له ايش الي حصل سب تاني وحاول يمد يده ولاكني ابعدت نفسي قليلا عنه وقلت صوتي كان واطي بس انته قريب عشان كده سمعتني وزعق وهذا كله امام اولادي وفي الشارع ليش هو ما يعرف اخلاقي والأنسانه الي ماسكه البيت ليل نهار ومنتبهه لأولاده وبيته وهو يادوبك للعمل والغدى والنوم هذي وصخه طبعا استكرتها كثير منه كان ممكن لو فعلا غلطت ان بدل ما يسب . يقول وطي سوطتك او اي شي لايمس كرامتي بهذه الطريقه ممكن لمن نوصل البيت يكلمني لوحدنا وليس اما اولادي وواجهت هذا بالسكوت ولم ابادله الأهانه وهذه عادتي مع الكل والحمدلله وطبعا طول الطريق ساكتين الى ان رجعنا البيت الشي الوحيد الذي فعلته اني نمت بغرفه الجلسه لكي احسسه لأي مدى غلط فيه واهاني والى الأن 6 ايام لم يعتذر او يناقش الموضوع واذا كلمني ارد كلمه ورد غطاها واحس انه يبغاني اكلمه عادي وانسى ولاكني ماهانت علي نفسي لهذه الدرجه وبالذات اني دائما اعديها واتغاضى عن التوافه واتنازل عشانه كثير واعتذر اذا احسست انه زعل وهذا في النادرلأني ما احب ازعله واكبر عقلي واقول راح يقدر سامحيني اطلت عليكي ولكنك طلبتي الموضوع موضح وشكرا لكي واتمنى تساعديني