بسم الله الرحمن الرحيم

والله ماني عارفة من وين ابدأ كلامي

خطيبي من النوع المزوح واللي يشلخ وايد

اهوه يمزح والكل يعرف انه يمزح بس في اشياء لاتطاق

امور ما تستدعي المزح ويبي لها جدية شوي

وهم يمزح فيها والمشكلة الكبييييييييييييرة

ان هالشي يأثر على علاقتي باهله لأن في امور اقول له

لاتقول لهم او خل نأجل ونقول لهم في الوقت المناسب

ويقولي اوكى مو مشكله وماراح اقول حق احد وعقب

يروح من وراي ويقول لهم ولايعترف لي ويظل يوهمني انه ماقال

حق احد وآنه بس اروح بيتهم واشوف امه معاملتها شوي متغيرة علي

وبدون ماعرف السبب اهيه تخلي في بالها ان آنه وحده ابي اخش عنهم

اشياء واخلي خطيبي يخش عنهم ليش اني ماقلت لهم ومن غير ما ادري ان اهوا

راح وقال لهم


اعصابي محترقة عدل ومب عارفة شسوي

الحين آنه متخاصمة معاه وناوية ما اكلمه ولا اشوف رقعة ويهه

يمكن اسبوع كامل ما اكلمه

هذي مشكلة بشخصيته ، لازم توضحين له ان هذا يخرب العلاقة اللي بينكم ، و ان وقت المزح مزح و وقت الجد جد !! ، خلط الأمور بين المزح و الجد مشكلة كبيرة !! ،، قوليله ان انت قاعد تخرب علاقتنا بإيدك ! ،، و ان انتي يوم قلتي انه لا تقول هالشي حق اهلك فا انتي لا تقصدين السوء و لكن تقصدين شيء فيه مصلحة لكم اثنينكم ، لازم يوزن الامور ،، و لا تنسينه من الدعاء

__________________

ادعولي بالزوج الصالح

سبحان الله و بحمده .. سبحان الله العظيم

الحمد لله .. الله اكبر .. سبحان الله .. الشكر لله .. استغفر الله

شقولج عزيزتي

بالفعل مشكلة كبيرررررررررة
آنه قلت له هالحجي قلت له ان آنه ما قلت لك لاتقول
لهم لأني ابي اخش عنهم لكن آنه ابي اقول لهم في الوقت
المناسب ، واذا اسأله ليش يوم قال لهم ماقال لي على الاقل عشان
لا اروح اقول لهم كلام واهوا يقول كلام ثاني يقولي اعرف اذا قلتلج اني
خبرتهم راح تسوين لي سالفة!
يعني مو معقوله جذي آنه المفروض يكون لي احترامي مهما كان
بس شقول
الله كريم

__________________