وش الحل برايكم .. ابي حل جاد رجاء
السلام عليكم ورحمة الله وبركاته ..
..اناابكتب لكم معاناتي واتمنى القى من يساعدني او يلقى لي حل..انا متزوجه من 3سنوات وربي ماكتب لي الزوج الصالح فابتليت بزوج الله لايوريكم كنت بالبدايه اموت بترابه .. لكن بدت تطلع عليه شغلات غريبه..انا رضيت بحظي ونصيبي وعشت وانااتصبر واقول يجي يوم ويتغير..بالاول كنت واثقه فيه وياغافلين لكم الله وشوي شوي الاالاحظ عليه تصرفات غريبه..كان جواله دايم مشغول ولاانتظار واحيانا بالساعات ولاسالته قال شغل وبعدين طلع جوال سوا وقال كل زملاي عندهم والفواتير تجي بالالاف بس مايخليني اقراهاوبعدين يخاف امسك جوالاته..ولويبي يدخل الحمام تكرمون قفلهم..وبعدين صار يقفل جوالاته قبل مايدخل البيت ومايفتحهم الالاطلع وانا مومعه طبعا..انا استشكيت وبديت اراقبه واحاول افتش جوالاته من دون مايحس وهذا اللي صار..آه ماتخيلون اشكثر انصدمت وانهارت اعصابي..ارقام بنات
.......... وبالاسماء بعد ورسايل حب وغرام منهن ومنه وعتاب وسواليف ومكالمات صادره ومكالمات وارده ورسايل اتفاق على اماكن اللقاءات والاسواق وشي فظيع خلاني انوح ايام وقلبي يتقطع والله دارت بي الدنيا ومدري وش اسوي..وانا الحين اترجاكم تساعدوني ولاتقولون لي كلمي اهلك اواهله لاني اناادرى فيهم وماراح استفيد شي غير الفضيحه وخراب البيوت وبرضوه مستحيل اقوله لاحد من صديقاتي لانه ماعاد فيه امان وعلى فكره انا لمحت وصرحت كم مره وللاسف كان يعصب ويثور وينكر ويقلب السالفه علي ويطلعني انا اللي نكديه ونجلس ايييااااام مانكلم بعض كل همه النت وجواله لحد ماصرت اكتمها بقلبي . لكن قبل فتره لقيت بطاقات شحن سوا يمكن 6 بطاقات ما بين ام 100 وام 300 .ز مع العلم انه يدخل بالتوك وقروبات
.......... .. غير كذا يدخل مواقع زواج ويوم واجهته قال هذي خرابيط . وهالايام مقدم على اجازه خارجيه والله العالم وين بيذلف. وانا ساكته ما قلت لاحد مع انه الان له اسبوع واحنا ابدا ما بنا كلااام وينام بغرفه وانا بغرفه وساكته لكن والله مبين بشكلي ان الهم اكلني اكل وخصوصا اني حامل باشهري الاولى وراحمه هالمسكين اللي ببطني وش كثر بتاثر فيه هالانفعالات..انا منتظره ردودكم وعسى كل من يجبر بخاطري ربي يجبر بخاطره ويوفقه .
28-04-2005, 02:09 PM
ضوابط المشاركة
العرض العادي
