تحيه طيبه اليك اخوي مهتم ..
بالبدايه اقولك ان كان فيها خير وصلاح لك الله يجعلها من نصيبك ويوفقك
وان كان فيها شر يصرفه عنك ويوفق الجميع لما يحبه ويرضاه..
الاخوان والاخوات ماقصروا الله يعطيهم العافيه ..ومن وجهة نظري ان
مسالة فارق العمر ليست بعائق بالعكس انا كنت ومازالت مقتنعه انه كلما كان هناك فرق بالسن يكون احسن..
ومن واقع تجربه بيني وبين زوجي 12 سنه ومع هذا اعيش معاه احلى ايامي ولاني كنت مثل قريبتك صغيره ومغروره وشايفه حالي وزعلي كثير ومااعرف اتصرف بحكمه وفاشله فشل ذريع كزوجه وست بيت على قولهم لكن صدقني مع الايام ومع اسلوبه الرائع واحتوائه لي ولبعدي عن اهلي قدرنا نعدي مرحله كبيره وحتى فارق السن مااحس فيه الا على الورق وبس ..
الامر راجع لك حاول تعرف من امك او احد من اخواتك كيفية تفكير البنت واسلوبها لكن بنفس الوقت لازم تحط ببالك ان الوحده بعد الزواج تتغيرماتكون البنت الدلوعه المغروره اللي ببيت اهلها..
اسفه لوطولت عليك لكن مااقول غير الله يوفقك يارب ويختار لك الخيره الطيبه ..
تحياتي