رد: البخل دفعني لطلب الطلاق !
توني جيت من المستشفى
كنت ابكي قدام من الناس
لما علمتني الدكتورة بعد الاشعة ب حالتي
فيني احتكاك من الركبة
و قالت مافيه حل الا إنك تمنعينه يسوء و يتفاقم و تغيرين نمط حياتك
ماعرف ايش اقول
تذكرت وضعي مع زوجي ب لحظة ضعف
اتمنى ينصلح حالي معاه
والله اني كنت اتمنى الى حد امس و افكر
لو ما اتهمني بالهلاوس العقلية كان سامحته
اتمنى تصير معجزة من السما
يصلح وضعي معاه ان كان فيه خير لي
انا قبل اسبوع شخصوني التشخيص المبدئي
و بدأت بالعلاج
و اليوم شفت الاشعة
من هذاك الوقت بديت احاول اتحسن و امارس رياضة
عزمت صديقتي قبل امس عندي
و كنت ناوية اختار طبخات غير متعبة بالوقوف في المطبخ
لقيت امي تقول مو حلو الكيك الجاهز.. ما اعتبره كيك وع !
و و
كل الاصناف اللي كنت ب اجيبها
كانت تبغاني اسويها ب يدي عشان اثبت لها اني سنعة
و انا للاسف فورًا لقيتني انجريت ورا كلامها
سويت كل شي بيدي و إتصلت لها قلت لها بمزح و ضحك
سمعت كلامك و سويت كل اللي قلتيه
عشان تشوفيني سنعة و ست بيت ب عيونك
أمي معاييرها قاسية و مثالية
اجتهدت طول حياتي اعترف أوصل لمعاييرها
حتى ب تخصصي الدراسي
ضاع عمري و حتى صحتي الحين تتفلت مني
بس عشان احسها راضية عني و اشوفها تفتخر فيني
كنت ولا زلت اجي على نفسي كثيييير
عشان عقدة ان كل يظلون مبسوطين و سعيدين
محد يزعل مني
الكل يحبني
آخرها ب رمضان الماضي لما كنت عند اهلي
انكرفت لحاالي بالمطبخ
كنت اجلس 4 ساعات او 3 واقفة على رجولي متواصل
اسوي اصناف عشان ينبسطون
لما تذكرت هالفقرة
و انا طالعة من عند الطبيبة انهرت انهرت
__________________
الحمدلله على قضاء يقربني من الله عز و جل.
05-09-2022, 01:08 PM
ضوابط المشاركة
العرض الشجري