ما اقدر ارد على شخص معين
بكتني معظم الردود
الشاشة عندي مشوشة ..

لكن بكيت اني اخترت من هالجنسية و طلع حظي كذا
ترا الكل كان يقول لي ياحظك اكيد مدلعك و خفيف دم و لسانه حلو ..

استغفر الله و اتوب اليه
و الله ما ودي يتزعزع ايماني او أعترض على قدر الله

ابو مريم
صدمتك فيه و انت ماتعرفه
ما توازي صدمتي
والله ان هالنوعية من الردود تبكيني بدال الدموع دم ..
اعرف انها مكتوبة ب عفوية
لكن ايش اقولك
انا اللي عشت معه 5 سنين
انا اللي عطيته اجمل ما أملك من حب و هدايا و تسامح

تعرفون بداخلي كلام يعبي كل صفحات المنتدى
لكن افتح الصفحة و تنزل دمعتي و احس ب لخبطة و ماعرف من وين ابدا
و اسكرها

كل اصراري عالطلاق سببه أمرين
الـ 4 شهور الاخيرة اللي عشتها معاه و كيف عاملني فيها
و موقفه مني و من اهلي بعد المشكلة الاخيرة

والله مو قادرة اعطيه فرصه اخيرة
اعرف ان الصلح خير
ودي اتبع قول الله و رسوله
ودي اتبع راي اهلي و راي اللي حولي
لكني كل ما اتذكر كلمته بآخر يوم شفته فيه " يوم المشكلة "
يلحقني من غرفة لغرفة :
و يقرب من وجهي و يقول لي : ماعندك كرامة ما تسمعين
هذا بيتي اطلعي منه

ا ت ك س ر !
و احس كل قدرة عندي عالغفران ماتت و راحت في مهب الريح

لا اقدر اسمع صوته
ولا اقدر اشوف صوره
احس ب قهر و غضب جنوني جنوني
مو قادرة أغفر له ابدا

__________________

الحمدلله على قضاء يقربني من الله عز و جل.