كنت أقرأ في سيرته صلوات ربي و سلامه عليه
و وقفت على قول ملك الجبال ( إن الله قد سمع قول قومك لك ، .. إن شئت أن أطبق عليهم الأخشبين )
فهاجت علي دموعي !

يا الله رب العزة .. رب السماوات و الأرض .. خالق الكون الفسيح هذا كله
يجند ملائكته عشان كلمة آذت أحب البشر إليه !

عشان كلمة .. !

لما كنت أجي أقولك تكلمت ب عرضي و شرفي
قدام اخوانك .. اخوانك شهود و زوجات اخوانك شهود
كنت تقول لي حرمة كبيرة خذيها على قد عقلها .. كلامها دخليه من اذن و طلعيه من الثانية
اقولك عرضي و العرب تقول : لا يسلم الشرف الرفيع من الأذى
إن لم يرق على جوانبه الدم

ما قلت لك ب ارفع عليها قضية ولا قلت لك ب اشتكيها للقضاء
طلبت منك مواساتي بكلمة و انت كنت الشاهد الوحيد
منعتني اتكلم لأي احد .. و كنت انت الشاهد الوحيد

كنت أبغى كلمة .. ما أبغى استخفاف
ابغى احساس بعمق الأذى اللي لا زلت أبكي منه
أمك رمتني بالزنا .. رمتني ب أمر ما عملته أبداً و انا ابعد الناس عنه ..
عرفت ليه القرآن رجع يأكد على مسألة ألم الرسول من كلمة كاذب ( لأنه كان أصدق الناس )

أمي تتصرف كذا قد يكون فيها اكتئاب ( و رحنا عملنا لها تحليل و طلع مافيها شي )
امي تتصرف كذا يمكن يكون خرف او زهايمر او نقص فيتامينات ( و رحنا عملنا ولا طلع فيها شي )

أمك بس ما تخاف الله
يعز عليك الاعتراف بهالشي حتى بينك و بين نفسك
تحكمك الصورة النمطية للأسف للإبن البار .. إنه لازم يحط أهله بإطار مقدس ملائكي و بالأخص الأم ( و انا اكثر الناس تفهما لهالشي رغم سخطي منه و علمي بعدم موضوعيته )

لكن .. كنت أتمنى بس كلمة