رد: قررت اشتري سياره واسوق
هلا مبتعثه
الاستأجار لازم رخصه
بينما الشراء مو لازم رخصه
عشان كذا قلت اشتري ( خلاص اشتريت الافلون😇 )
الله يعطيني خيرها ويكفيني شرها
وراح استلمها يوم الاثنين ان شاء الله
بصراحه سمعت كثير نفس فكرتك اني اشتري سياره مستعمله
واتدرب عليها سنتين بعدين اشتري جديده
لكن ما دخلت مخي الفكره!🤔
اشتري سياره ب 15 او 10 الاف عشان سنه او سنتين!
طيب اوفر المبلغ لسياره افضل مره وحده وتجلس معي لعشر سنوات
وهذا اللي سويته
اخواني رافضين اني اسوق يا مبتعثه
ف بالتالي محد بيعطيني سيارته اتدرب عليها😂
اصلا محد منهم دربني انا جبت مدربه معتمده ودربتني
بالنسبه للسواقه ايوه سقت << شعور جميل وممتع😋
والمدربه اثنت على سواقتي الحمد لله
تقول انتي اول متدربه توازن السياره في وسط الطريق
اللي قبلك السياره رايحه جايه في يدها
انتي لا ما شاء الله
ودعستك ممتازه على البنزين والفرامل😎
كلامها شجعني وربك الحافظ🙏🏻
التدريب كان 5ايام كل يوم ساعتين
في مخطط وحي شبه فاضي الا من سيارات بسيط
لكن ما جربت اطلع على الطريق العام
واذا استلمت السياره ببدأ شوي شوي
واروح نفس طريق دوامي بشويش
لين انطلق بسلام
ما ينغص علي الا الرخصه الله ييسرها
خايفه اصدم لا قدر الله وينشبون لي على الرخصه😩
دعواتك ييسر لي ربي واسطه من حيث لا احتسب
__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )
التعديل الأخير تم بواسطة حظي حلوو ; 30-08-2019 الساعة 10:45 PM
30-08-2019, 06:38 PM
ضوابط المشاركة
العرض المتطور