شوفي الرجل ماعنده شي يخاف منه لو كان فعلا صادق وجاد
اللي يخاف هذا مو جاد و لا صادق
الجاد و الصادق بيثبت لك جديته و صدقه بكلامه أولا ومن ثم أفعاله
بيتكلم عن نفسه وماعنده أي مشكلة
بيعطيكِ معلوماته وماعنده أي مشكلة
بيقولك أسباب طلاقه وماعنده أي مشكلة
ويجاوب على أسئلتك وماعنده اي مشكلة
بإختصار هو صريح معك لأنه جاد 100٪
اما اللي يلف ويدور خليكِ منه ولاتتعبي نفسك معه وتضيعي وقت

صادقه وكل اللي قلتيه ينطبق على الاخر المتزوج
اعطاني حتى اسمه واسم قبيلته ومدينته والحي اللي ساكن فيه
واي سؤل يجاوب بسرعه او يرسل انه بيجاوب بعد مده اذا كان مشغول
بختصار حي ومتفاعل
كتبلي اليوم الصباح خواطر يصبح فيها عليه😂
وانا ساحبه عليه مسكين!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

حتى هذي النوعية ماتطمن
متى مداه يمون؟! ويصبح بخواطر وحركات مراهقين !!!
شكله كذا مع كل البنات اللي في الموقع : )
قلتي عمره 40 ؟!
شكله بيعدي بأزمة منتصف العمر و وضعه مو مستقر !

خليكِ ساحبة
تفاعله حلو لكن برضه ما يعطيكِ ضمان لأي شي هو يحسب له
لكن الميانة الزايدة تحسب عليه
وهذي النوعية غالبا لعابين !

اجل قعدنا بدون زواج😂

اذا اخونا ابو الزوجتين ما رد لبكره (لعله دخله الغرور وقام يتغلى)
بفتح المجال لهذا الرجل لمزيد من الاسئله والتعارف
ثم استخير واعطيه الموافقه

دام النيه طيبه ما راح يخيبني ربي عليه توكلت من قبل ومن بعد

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

خليه يراهق كل واحد يدور اللي ناقصه😅
المهم يخاف الله ويكون جاد وقد قراره

لما اشكك في مصداقيته كنوع من جس النبض
يحثني على التفاؤل وان الرسول امرنا بالتفاؤل وترك التشاؤم

ف الله يقدم اللي فيه الخير

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الثالثه ورايه ورايه😂
طلع الرجل اللي في الموقع متزوج ثنتين ويبغى الثالثه😂

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الرجل كان واضح وقال اللي يبيه
يقول ابي الدلع والغنج انا انسان رومنسي
ابغى وحده تهتم باناقته ودلعها
يقول انا انسان نشيط وحيوي واحب الوناسه والسفر والمطاعم والكوفيها

والثنتين اللي متزوجهم وحده تقول سو اللي براسك ما عندي دلع
والثانيه ساحبه وطول الوقت عند اهلها


اليوم اقوله عندي اسئله
رد عليه : امري فديت قلبك وروحك وكلك😂
شكله جوعان حب ورومنسيه😂


اختي تقولي هذا لو عرفتيله بيصير خاتم باصبعك
وهو يقول (( انا انسان جميل وانيق وطيب والا اطلب المستحيل
ابي زوجه عصريه متفتحه ذكيه
تفهمني بدون اجلس اطلب منها سوي كذا والا ابي كذا
ينااااس والله ابي شيئ بسيط جدا حياه جميلة بدون تعقيد))



رأيكم يا كرام لاختكم المحتاره!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )