المشاركة الأصلية كتبت بواسطة خيال الهوى

أختي حظي حلوو
أنا بقولك كلام وأنا مدركة صعوبة الحياة و الظروف
اللي كل واحد ممكن يمر فيها وتخليه يتنازل عن أمور كان متمسك فيها.
لكن عشان تهدي و تقدمي على قرارك بكل قناعة ولا يجي يوم تصيرلك مشاكل معاه وتتحسري على نفسك وتندمي أو تلومي نفسك.
بقولك هذي قناعة حطيها ببالك : اللي قاعد يصيرلك هو المقدر والمكتوب لك، يعني من قبل لا تجي للدنيا مكتوب لكِ مين تتزوجي و متى!
فإذا واجهتي في بداية حياتك مشاكل أو كلام من الناس تذكري هذا المكتوب لكِ وهذا المقدر، وكلام الناس سكي أذنك عنهم، هذي حياتك ومحد عارف بالصعوبات اللي مريتي فيها و لاشي حتى يتكلم ولا يعلق و يتدخل بحياتك.
وشي جدًا مهم عشان تهدأ نفسيتك و تطمئن، حطي هدفك من هذا الزواج قدام عيونك دائما و طالعي فيه و بس ( سواء كان الاعفاف ولا الانجاب ولا أي شيء ثاني) كذا إنتِ بتسهلي على نفسك أمور كثيرة وصدقيني مافيه حياة كاملة واللي شايفتهم عايشين ومبسوطين هذا الظاهر و لا هم كمان عندهم نواقص في حياتهم.
دائما خليكِ قنوعة وراضية وتأكدي ربي بيكرمك من واسع فضله وبالتوفيق .