شكلك معجبة فيه وودك تلفتي انتباهه بأي شيء
أيش تحولي له مبلغ و تقولي له من فاعلة خير و يسمي بنته بإسمك !!!
أيش هذا التصرف اللي بتنزلي من قدر نفسك!!!
من أول رد لي ماحبيت أقسى عليكِ بالكلام لكن
أتوقع دحين الوقت المناسب!
إنتِ قاعدة تتعاملي مع رجل مو مع امرأة مثلك
يعني ردود أفعاله تختلف كليا عن اللي تتوقعيه!
هل فكرتي في ردة فعله؟!
ترى ممكن يضحك عليكِ ويخلي سيرتك على كل لسان.. فلانة أعطتني مبلغ و قالت لي أسمي بنتي بإسمها ، لو كان رجل خلوق ومشهود له بالخير، إنتِ ماتعرفيه و يظل مهما سمعتي عنه ماتقدري تجزمي إنه مثل مابتسمعي عنه، لاتثقي برجل ماتعرفيه، لاتتصرفي تصرف تندمي عليه بكرة وتحطي فلوسك في يد شخص مايستحقها، شخص ممكن يهينك أو يجرحك أو ينقل كلام سيء عنك، ترى ممكن يسوي هذا كله لأنك ماتعرفيه.

وحطي ببالك عاطفتك قاعدة تحركك، لاتستجيبي لها بسرعة، لاتتصرفي من يوم يجي في بالك تسوي أي شي، أعطي نفسك فترة طويلة حتى تقرري، لاتتصرفي تحت ضغط الاحتياج أو الوحدة، صدقيني مشاعرك هذه طبيعية لكن ضروي تتهذب وتنضبط حتى ماتتعبك و لا تخليكِ تندمي في المستقبل.