يسعدلي صباحكم وصباح احبابكم يا عسولات الكوفي 💖💖💖

اشتقتلكن قد الدني كيفكن حبيباتي ان شاءالله الكل بخير

مريت بظرف صعب ربنا وحده العالم زائد امتحانات الاولاد قبل العطلة
سبحانك يا رب كيف بتضيق من هون وبتفرج من بعدها لأفضل حال


حبيبتي وفا سلامة قلبه ابنك وعوضيه عن اللحم بالبيض المسلوق فيه بروتين وخاصة البياض
وحاولي تعمليلو فطاير بلحم مفروم مع سبانخ وبندورة وبصل ومن دون ما تبين اللحمة

وكمان اذا شوربة خضرا او عدس بيدخلها دجاج مسلوق بس اطحنيه كرمال ما يبين فيها

وعليك بالبقوليات والخضرا والفواكه
وما تغصبيه هلئ على اكل اللحوم لانو رح يقرف اكتر ويقطع الاكل

حاليا ابني اللي عمره ١٣ سنة صار كتير بيقرف من اي خضرا او اي نوع فيه كيماوي
لازم ياكل كل شي عضوي
بيشوف الحليب واللبن والخضرا والفواكه اذا عضوي او لا
حتى انو البسكويت عم جبلو ياه عضوي
وعم حاول معو كتير خفف من هالحالة
لانو صعب تجيبي كل شي عضوي
مرات البيض بجيب عضوي مرات لا
بس الخضرة والحليب وبعض انواع الفواكه والعدس الاحمر بشكل دايم عضوي
اما اخوه واخته ما شاءالله اذا البراد بدو تعزيل مستعدين يعزلوه لانو ما في شي قاسي على ضرسهن
يعني اذا ما قلتلهن وقفوا اكل ما بيوقفوا

وحبيبتي ام عمر كيفك يا عسل منورة الكوفي وربي يسعدك ويسعد احبابك

الله يحمي فلسطين واهل فلسطين ابن خالتي متزوج من بلدكن وماشاءالله عليها ونعم الاخلاق والترباية الله يحمي البطن اللي حملتها
كتير قريبة للقلب صحبة مع الكبير والصغير ربي يسعدها


سنديانتي الله يرحمه ويجعل مثواه الجنة ويصبر اهله
والله الموت الفجأة كتر بهالأيام وخاصة بين الشباب والصبايا بعمر صغير ربي يحسن خاتمتنا وخاتمة الجميع


باقي الصبايا ان شاءالله الكل بخير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

عودا حميدا ميمو....طمنينا عنك ..بحب أستفيد من خبراتك ما شاء الله عليك بتعجبني شخصيتك يا ريت اذا التجربة مفيدة حتى لو صعبة تذكريها
اذا ما فيها ازعاج لحتى نستفيد منها) ..وربنا يصلح أحوالنا وأحوالكم ..تحياتي

__________________
《 فلولا أنه كان من المسبحين * للبث في بطنه إلى يوم يبعثون》