مشوارك ثواني .. يعني ماله داعي توجعي راسك و راس زوجك

تاني شي ، أختك و بنتها المفترض يبطلوا اسلوب الفتنة و التخبيب و لا تسمعي لهم

و انت المفترض تعلمي بنت اختك ، مو تسمعي كلامها و تتاثري ؟
مين أعقل و اكبر إنتي و لا الطفلة الي عمرها 7 سنوات ؟

اخر شي ..
أنا لما أركب السيارة مع زوجي ، أخواته الكبار يجلسوا وراء .. و أنا استحي الصراحة من داخلي
لكن اسكت و ما اتكلم لانهم أصلا قوايا ماشاء الله .. لو يبغوا يجلسوا قدام بيتكلموا
فليه افتح على نفسي باب ، و مرة جاملت أخته الكبيرة و قلت لها تجلس قدام .. بس هي
معاها اطفالها الصغار و قالت لي لا ، اجلسي انتي ..

فالموضوع ما يحوج ..

المهم ..
افتكر لما أكون مع زوجي و بيوصلني الدوام مثلا و يروح هو دوامه ، و أمه تبغى تروح المستشفى
تاخد شي من هناك و بعدين ولدها التاني يرجعها ..

كنت لما نوصل باب أهل زوجي ، أنا من حالي انزل و ارجع وراء .. و حماتي تقول لي خليكي قدام
تقولها لي مجاملة بس ما أرضى .. و لما هي تنزل للمستشفى .. يا ارجع مكاني أو اجلس وراء
عشان ما فيا أقوم من جديد و زوجي يتريق انه سواق .. و امزح معاه إنه وراء أريح لي ^_^

فلا تدققي .. خاصة إنه مشوار ثواني و إنه ماهو موقف متكرر دايما ..
قلتي بيدرسوا معاه بالمعهد يعني فترة مؤقتة .. و خاصة انك تنزلي قبلهم ،.