الشهر مبارك على الجميع اللهم اجعلنا من صوامه وقوامه وعتقائه من النار

شكرًا جزيلاً لمن شارك ، وشكرًا مرة أخرى لتهدئتي وتقليل من حجم الموقف بعيني

فعلاً سمعت كلامكم على الرغم من انفعالي الشديد ( للان احس بالجمرة بقلبي ماطفت 😅 هدت شوي لكن مازالت ساخنه) بس يالله الله يعوضني خير

كلمت زوجي وقلت له ان تصرفه كان كبير بحقي واني ما استحق هذي المعاملة مهما كان غضبه .. واني فعلا ً كل مرة اجاهد حتى اسكت بنتي لينعم بقيلولة وشكلي جنيت ع نفسي لانه باليوم الوحيد اللي ماقدرت عليها كذا تكافئني ؟ لا وقدام اختي عيب بحقي والله عيب انا عمري ماقللت من احترامك امام اهلي واهلك والناس وانت كذا تعاملني .. ماتوقعتها منك .. الخ

كنت مقررة اني اهدد واوعد وابلغه اني اتصلت ع ابوي اعزمه بالبيت حتى اشتكيه ،، لكن ما ادري كيف ربي ألهمني الهدوء ! سكت على الرغم من اني للحين احس بغضب بقلبي !

اعتذر مني وانتهى الموقف ورجع يسولف معي عادي وانا كذلك لكن لازالت فيه بقايا زعل بقلبي 😅

__________________
سبحان الله وبحمده ، سبحان الله العظيم