اول واهم نقطه , لازم تحط في بالك اذا وافقت تكون مقتنع بهالشي
يعني بكرا ماتحطه سبب لاي شي ثاني وبنفس الوقت مايعيقك على شي
وتتعايش معه وماتحسسها بالنقص لانك وافقت على الارتباط فيها

وبصرحة مرض السكري مرض اهون من غيره كثير , يتعايش معه الشخص بشكل طبيعي
لاتشيل هم من أي شي .. بالنسبه للبرود او الحمل او أي شي
يمكن تاخذ بنت صحتها زينه وتكون رغبتها الجنسيه خامله و حملها عسر و و و
يعني ماتدري وش الخيره فيه .. بالعكس مرضى السكري غالبا يكونون مهتمين بانفسهم
وواعين بامور التغذية والصحة والرياضه , خصوصا اذا كان الشخص مريض من فتره طويلة وتعود عليه
بالنسبه للحمل .. زي ماقلت لك مشاكل الحمل كثيرة حتى لو بنت عادية مافيها أي مرض وحملت ممكن يجيها سكر حمل .. وتتبهذل ..
يعني مب شرررط وممكن يصير الف شي بالحمل , لاتحط في بالك ان السكر بيعيقك عن شي
انا ماعندي أي امراض , ولما حملت جاني سكر حمل , وعادي ما أثر علي ولاشي
مجرد اني كنت انتبه لاكلي وتحاليل دورية حتى مايرتفع السكر لانه خطر على الجنين
لكنه مايؤثر في خلقته ولا في أي شي ...
والعملية القيصريه ماااااااالهااااا أي دخل بالسكر!!!
العملية القيصرية لها الف سبب وسببب , بعضهم اصلا يختار قيصري عشان مايجرب عذاب الم الطبيعي
عموما حتى اكون صادقة هو يأثر من نواحي كثيرة , وانت لازم تكون واعي بهالشي
وتروح وتسأل كيف طبيعه حياتها , وتكون مقتنع ومتجاوب لهالشي
لكن اشوف انه مرض طبيعي واغلب الناس مصابة به
واستخير الف مره قبل توافق وشف نفسك وش ترتاح له