انا اجاوبك ،،، الحريم الله يسامحهم يستعجلون اكثر من اللزوم ، ولكن ليس الكل
انا توظفت هذيك الأيام وكل وحده من اخواتي جايبه لي عروس ،والله فلانه جميله وصاحبة دين واخلاق و ، و، و، ،،، قلت ياجماعة الخير توي بالوظيفه مالي الا شهرين خلوني اعيش حياتي بالوظيفه اقل شي سنتين ، والزواج مو في بالي الحين ، والوالده من جهه واخواتي من جهه يبحثون عن عروس ، فجوابي لما اختي تقول لقيت لك بنت خالك وكيلة مدرسه ، واليوم الثاني اختي الثانيه تقول لقيت لك عروسه تعمل اداريه بحامعة المللك عبدالعزيز وملتزمه وجميله ، قلت لاتعلقون البنات في الزواج وأنا الحين قلبي مايل لزوجتي اللي تطلقت ، فالسبب مو مني ، السبب الأقارب بالبحث عن الزواج ، والصحيح المفروض يكلموني ، غلط يعشمون البنات قبل مايكلموني ، سواء انا او غيري من الناس ، الله يصلح الحال