مهرة حبيبتي الغالية والله العظيم شفت خلال ١٥سنة الي فاتت صدمات شفت خواتي زوجي حظهن حلو والمشكلة احس انو انا ماني ذكية ولااعرف شي واش رايك بكلامي عن نفسي احباط كيف ارتاح واعزز ثقتي بنفسي ليش انا كذا السؤال هاذا كثير اسال فية نفسي يارب واش سويت بدنيتي يمكن أغضبت الله بشي كبيرة من كبار الذنوب اجل ليس كذا حظي عوج والي غثني انة زوجي فرصتي الاولى مامسكت فيها بقوة هو مستقبلي وعمري وحياتي بكيت كثير والله لاتصيرين عزيزتي مهرة ضدي اتمنى من صديقاتي يوقفون معي.....

خوات زوجي حظهن حلو ماشاء الله......

زعلتو علي من كلامي آسفة جدا.......

للمرة الثانية أقول لج أنا مب ضدج .. ولا أي حد ضدج.

ومب كل حد يقول لج كلام مب على هواج قلتي إنه ضدج.

لكن إحنا ضد اللي تسوينه .. وطبيعي لما نشوف حد يتصرف غلط نوقف ونقول له: أنت غلط.



تبين رايي في كلامج عن نفسج؟

ممكن أقول لج: لا يا مصونات .. إنتي ما فيج إلا العافية .. زينة وذكية وتعرفين الأشياء .. والله ما يعاقبج لكنه ابتلاء والله ما يبتلي إلا اللي يحبه .... إلخ

لكن كلامي ما بيفيدج إذا كانت نظرتج لنفسج سلبية.


وتبين الصدق وما تزعلين مثل كل مرة؟ .. إنتي فعلاً مب ذكية .. بس مب لأنج مب عارفة تتصرفين .. لكن لأن الحلول مقدمة وموضوعة بين إيدج وتسوين نفسج ما تشوفينها.

وبدل ما تاخذين بالحلول أو حتى بعضها .. شو سويتي؟ .. بكل بساطة قلتي: إن شاء الله إني باخذ بكلام الأعضاء!!

وكأنج تاخذينهم على قد عقلهم!!




بصراحة يا مصونات .. كلامج عن نفسج صحيح .. إنتي ما عندج ثقة بنفسج .. وتتخبطين ومب قادرة تستقرين .. واللي حولج يستقوون عليج.

وما بتقدرين تحلين كل هذا إلا إذا عالجتي مرضج صح.


والله العظيم أبا لج الخير يا مصونات .. عشان جذي أقول لج ركزي على أساس المشكلة .. والفروع بتنحل تلقائياً .. أو على الأقل بجهد أقل.

وأساس المشكلة هو مرضج.

__________________


اللهم طِيبَ الأثر .. وحُسْنَ الرحيل.

مهرة حبيبتي كيف اقنع وارضى زعلانة انة ربي ماساعدني مثل هالبنات من أول فرصة كسبن حياتهن......

زعلانه على مين بالضبط ؟

__________________

ما بتقنعين وترضين إلا إذا تعالجتي صح.



براحتج يا مصونات إذا حابة تتجاهلين هالنقطة .. وإذا حابة إني ما أطرحها مرة ثانية قولي لي وباسكت عنها تماماً .. لكن صدقيني في ظل وضعج الحالي ما راح تستفيدين أي شي .. ووقت الأعضاء بيضيع على الفاضي.




الله يصلح حالج.

__________________


اللهم طِيبَ الأثر .. وحُسْنَ الرحيل.

صرتي تسوين اقتباس وهذا تطور كبير في ردودك ويدل انك سمعتي كلامنا
عقبال ماتتطورين اكثر
اول شي تعرفين الحديث لا تقل لو اني فعلت كذا لكان كذا و كذا ولكن قل قدر الله و ماشاء فعل فإن لو تفتح عمل الشيطان
و انتي فتحتي عمل الشيطان بتحسرك على الماضي
اول شي وقفي عمل الشيطان و قولي قدر الله وماشاء فعل
ابي اشىف مصونات ماتندم على اللي فات😌

كيفكم خواتي واخواني الغاليين والغاليات مشتاقة لكم مرة.......

كالعاده .. تتجاهلي الرد على الاسئله اللي ما تناسب توجهك ثم تعاتبي الأعضاء اذا ما ردوا عليك وتقولي ليش زعلانين وما تردون علي !!

__________________