حبيبتي سمورة اشتقنالك كتير
انا مع كلام العزيزة مهرة طبعا لازم تراعي مشاعر زوجك وقت تكوني معه وتحسسيه انو هو العالم كله
ووقت تكوني مع اخوانك استمتعي بوقتك معهن وخدي حنان قد ما بدك منهن
انا دايما بقول من بعد الله أبي ثم ادأخواني هني سندي بالحياة
ولزوجي بقله إنت اللي بتدملي من بعد ما أولادنا يشوفوا حياتهن اذا ربنا كتبلنا عمر
الأخ أكتر شخص حنون على أخته وخاصة ان كان قريب منها
أختي الصغيرة كل أسرار أخي معها
وانا وقت اجا أخي لعندي ضميته وما قدرت اتركه شميت ريحة أهلي فيه
ونفس الشي بضم بابا وأخي اللي أصغر مني بسنة واخواني التانيين وعمومتي وخالي هيدي الضمة بتطلع من القلب كل الحنان والأمان فيها
فكرمال هيك ما في داعي تبرري علاقتك مع إخوانك لانو محبتك الهن وتصرفاتك معهن بالفطرة وتلقائية

وزوجك ممكن يغار و مع غيرة الزوج من اي شخص كون الغيرة مش بإيده بس ما توصل لشك لانها ما عاد تعتبر غيرة
بس ضد غيرة الزوج من أهل الزوجة وضد غيرة الزوجة من أهل الزوج
لكل شخص محبة ومكانة بتختلف عن الآخر

فغرقي زوجك كلام حب ومدح وانك مش شايفة غيره وفي حال ذكر إخوانك اشرحيلو وأعطيه مثل انو كيف بيتمنى علاقة بنته مع أخوها بس تكبر وخليه يفكر فيك نفس تفكيره ببنته

المهم الموضوع ما تكبريه وخلي زيارتك مرة لمرتين بالشهر لانو اربع ساعات قيادة روحة واربع ساعة رجعة كتير على زوجك وتعب الو كتير
الله لا يجيب الزعل بيناتكن ويسخركن لبعض ويسعدكن دنيا وآخرة
لمحت برد انك حامل اذا مزبوط ألف ألف مبرووووك
ربي يقومك بخير وسلامة وتقري عينك بشوفة المولود ويجعله من الصالحين

دعواتي ترافقك ⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه