معليش يا أروااح

إنتِ لأنك في قلب القصة وتعيشين الصراع
فماتقدرين تحكمين عالأمور ..
لكن إحنا يمكن لأنا مترقبين ونتفرج من بعيد
نقدر نتنبأ النهاية الصحيحة ..

صدقيني يا أروااح وبتذكرين بإذن الله
إنك بترجعين له .. وأن قصتك بتنتهي بدون شتات ..
تطول المدة أو تقصر
تتعقد الأحداث أو تسهل
بتنتهي نهاية طيبة

هو بيتأدب
وأهلك بيشفي غلّهم
وإنتِ بتنسين

وبترجعين ..لكن
وإنتِ عزيزة ومرفوعة الراس وكريمة

صدقيني يا اختي بعد اي خلاف يصل لبيت الأهل ويتدخلون فيه ماينفع غير اللي يصير الآن .. ماينفع إلا أن الوحدة ترجع بكرامة أو لا ترجع ..

أبوك وأخوك أحكم وأعقل مما نظن
يبونه يتأدب وفعلاً بيتأدب !
خليهم يذوقونه نفس الكاس اللي ذوقك يوم كان هو البطل !
الآن غيره هم الأبطال .. والأيام دول بين النّاس


إنت إبعدي بهدوء عن كل الأحداث والحوارات والقرارات والتفكير
اقتربي بس من ،، الله ،، وبتحسين بـ عمارة القلب الحقيقية

وأنصحك بشدّة الآن تحملين كتاب رقائق القرآن لإبراهيم السكران
يعطيك صحوة حقيقية برخص الدنيا واللي فيها