.
.

أمْطَرَت ..
إيه أمطَرَت ..
بس (المطر هاليوم غير) ..
مثله مثل صوت الجنين !!
اللي سمعته البارحة ،،
نفس اللحن .. نفس النغم
يدقّ .. ويدقّ .. ويدقّ .. لكنّه بـ هون .. !!
كنّي سمعت (النبض) يناديني ويقول:
يمّه بجيك .. يمّه بجيك


تعال ،، في صورة مطر ،، ولا على هيئة بشر
بس المهم ،، إني ،، أبيك !
تعال في عمري مثل ذيك "المزون اللي تغنيلي مطر" !
وبعد المطر ،، وبعد مايشتد لفح البرد في ليلة قمر !
انقوم .. ونشعلها سَمر .. ونجلس على ضوّ "الدفا"
إليييين يحين الفجر !!



تعال يايمّة مثل "همّال " غيثه ما نضب ..
ولا مثل ذاك "الكحل" في عين مريوش الهدب ..



تعال أبي أجلس معك ..
وأعلمك ..
أعلمك معنى الصبر ،،
أعلمك ترفع كفوفك فووووق .. وتبتهل .. !
أعلمك معنى ( الرحيم ) ..
وكيف ( خالقنا كريم ) ..
وأعلمك إني أنا بعدك ..
عرفت شلووون أسجد للشكر!!







بتاريخ14/فبراير/2017