10-02-2017, 11:27 AM
|
المشاركة الأصلية كتبت بواسطة أرواااح
بصراحه كثير من الردود يقول لي انتي غير صبوره وهالشي ضايقني كيف انا غير صبوره ؟
زوجي كان طيب كثير حبوب كنا عايشين مثل الأطفال اذا تزاعلنا نتصالح بسرعه حياتنا كانت جميله كان اذا سمع رجل يضرب امرأه يقول انا اكره الرجال اللي يمد على حرمه واعتبره مو رجال وبعدين تحول لانسان ثاني جتني صدمه نفسيه من اللي ذقته من الشخص اللي احبه لما صارت المشكله ضربني قلت معليه في البداية غلطانه ولازم اتحمل اللي يجيني طلع من البيت واخذ عيالي قلت بنفسي اكيد بيوديهم عند احد من اهله ولا اهلي عشان نتفاهم فجأه جاني ومعه العصا هنا زرع بقلبي الرعب ولاول مره احس بخوف منه والله كنت متألمه نفسيا اكثر من الجسد مصدومه بفعلته كسر العصا علي وقلت بنفسي استاهل وان اكيد هالشي برد قلبه وبصبر حبسني ومرضت وطنشني قلت استاهل وبصبر حرمني من عيالي اسأله عنهم مايرد علي وكل 3 الى 6 ساعات يدخل يبرد قلبه بضربي ويهينني ويذلني واترجاه انه يكفي ولا كأنه يسمعني ومع هذا صبرت اسبوعين على هالحال واسبوعين محرومه من أطفالي ومع هذا صبرت بعدها صار كل يوم كل ساعه يسألني مين هذا ولوين وصلت علاقتكم واكيد جا وانا اقوله ماعرفه مجرد غلطان ولما قال اكيد تقابلتوا وشفتوا بعض وانا زل لساني قلت له كيف ابشوفه وهو بعيد بالرياض قام يسب فيني وضربني وكنت بفقد الوعي بسبب شدة الضرب وصبرت وكانت معرفتي انه بالرياض لان ارسل رساله توصف جو الرياض حتى مدري مو اكيد بس تخمين وزوجي راح تفكيره بعيد كان كل مايجي يسألني عنه لازم يختمها بالضرب والشتيمه مره قلت له مو انت اللي قلت ان اللي يضرب حرمه مو رجال ورجع زاد ضربه ويقول وش قصدي يعني انا مو رجال وهذاك اللي تكلمينه رجال يا ويا ويا كنت بموت بين يده وصبرت وبعدها بفتره بالصباح كنت محتاجه اتكلم افضفض لاني تعبت واخترت صديقه وقلت لها كل شي كنت محتاجه اتكلم مع احد وهو فجأه جا من الدوام دخل علي وكنت ابمسح الرساله ومامداني واخذ الجوال وقرا المحادثة ونزل فيني ضرب لاني خرجت اسرار بيته واتصل فيها عشان يتاكد واتصل على كل اللسته وانا صبرت اخر الليل نكون نايمين اصحى اشوفه فاتح جوالي ويفتش واذا سالته وش تسوي يقول لي ليش خايفه عندك شي زرع فيني الخوف كل مايمسك الجوال لازم بعدها يضرب وقبل اخر مره موضوع صديقتي اللي جات وصار بينا مشاده في الكلام وختمها بالضرب وقلت له حرام عليك جسمي تقطع تشوه قال بشوه جسمك وبشوهك كامل عشان اذا طلقتك محد بيناظرك وانا صبرت واخر مره طلعنا نتمشى وقال نروح مكان الفلاني قلت له لا خلنا نروح مكان ثاني وحددت المكان قاال ليش وش عندك اكيد مواعده واحد هناك ظليت ساكته لاني خفت اتكلم وينزل يبهذلني قدام الناس ولف ورجع البيت ويستجوبني ليش حددتي مكان مين مواعده وضربني جسمي صار مقطع محفر كدمات الوان والشعر راح نصه كل هذا وانا والله ماعرف الرجال ولا قد شفت شكله حتى ولا سمعت صوته هذا غير التجريح باللسان والتهديد ولعب باعصاب كان بمنتهى الحقارة يالله كل ماتذكر كيف انا قدرت اتحمله معقوله كنت متبلده االمشاعر عيشني بعذاب نفسي وجسدي ورعب لدرجة ماتتصوروها والله في اشيا اخجل اني اقولها هنا واتحفظها لنفسي جاني مرض لا إرادي بسبب اللي صار واخجل من تكراره ماتتصورون قد ايش صبرت ماقلت كل اللي بقلبي في اشيا كثيره واكتفي بهذا هل كل هذا وماصبرت ؟ اللي قاهرني طول هالشهور يقول انا ماشفت شي بجوالك غير هالمحادثه بس مو قادر اثق فيك حاسس انك متفقه معهم او كلمتيهم من جوال ثاني ويبهذلني ويضرب ويقول طلعي الجوال الثاني من وين اطلع له وانا ماعندي هل كل هذا وماصبرت بالله قولوا لي هل انا عديمة الصبر عشان اعرف نفسي واتعلم الصبر اكثر |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري