ايام الجامعة كان معانه وحدة تدرس
يُقال انها تقرأ العيون..
كانت تقعد معانه في اوقات البريك..
وطلبوا منها البنات تقرأ عيونهم وانه رفضت.. لاني بصراحة اخاف
لما خلصت من البنات التفتت علي قالت لي
فيه فرحة داشة بيتج .. ابوج ما بيرضاها
وانتي تبينها .. وبتتزوجينه .. بس تراه رجال مو زين لا تسلمينه نفسج قبل لا تمر أشهر عالزواج
مع ذلك ما تسمعين النصيحة وما تصدقيني بس بتتطلقين منه وبتتزوجين اللي احسن منه

😂 للأمانة ما صدقتها وقعدت اضحك ..
و في ذيك الفترة كان طليقي متقدم لي.. و صار اللي قالته بس حطيت ببالي انه مجرد توقعات لا اكثر...


لما تزوجت زوجي الحالي
مرة كنا زايرين اهله الا اخواته يضحكون ويقولون لأخوهم شكله كلام الدجالة صادف الصح
سالتهم شالموضوع ؟
قالوا ان جدته من سنين ضاعت منها قلادة
و وتسللت من ورا جدهم و طلعت راحت لوحدة .. وخبرتها مكان القلادة
وقالت لها عندج بنت ( اللي اهيه ام زوجي )
بيجيبها ثاني ولد .. ( زوجي ) بيكون له مكانة بين الناس ووو الخ وبيتزوج ثنتين بيجيب من الثانية 4 عيال
يعني مني 😂😂😂


بصراحة ما اصدقه واذا قالوا شيء صح ف اعتبره من قبيل الصدفة

__________________

حاجة الناس إليكم من نعم الله عليكم ، فـ لا تملوا النِعم ☁✨

كيف تقرأ العيون يعني عرافة
على ذكر العيون
مرة كنت لسا ساكنة في بيت حماتي
وكنت وحدي يومها وبيت كبير واخاف
المهم دق الباب كان عندنا فتحة صغيرة طليت منها اشوف من
لم تظهر الا عيوني وقلت من؟
كان شيخ من البادية طلب صدقة اعطيته من نفس الفتحة
ودعا لي وقالي اني حامل وحجيب ولد ولازم اسميه عمر
خفت كثير لما جا زوجي قوم علي الدنيا
وما صدق الا بعد ان حلفت له
قالي فتحت وشاف بطنك