أخي العزيز أنا بقص لك قصه برا الموضوع ولكن لها دخل مباشر
لي أخ كان عنده مغسله المهم أصعب شي عند عمال المغاسل تصفيط البطانيات وتكييسها بشكل أنيق في كيس كان أخي عنده عمال اثين واحد قديم والثاني جديد مايفهم شي وأخوي زعلان منه المهم أنا وديت للمغسله بطانيه وفروه بعد الغسيل قام العامل القديم بتكييس البطانيه والفروه مع بعض وأخوي كان موجود وعرف أنها لي أنا جيت الصبح فقلت للعامل الجديد أنا ابغى كل وحده في كيس لحاله المهم قام وفكها وكيسها من جديد بعد ماقابلت اخوي العصر قلت الحمد لله عاملك الجديد فهم الصنعه وكيس البطانيه لحاله .. رد على وقال ياأخي ليش تدافع له أنت تكذب لأني أمس في المحل وشفت ( بعيوني الثنتين) عاملي القديم يكيس ملابس !!!
معاه حق بعيونه الثنتين . طبعا أنا شرحتله الموضوع وفهم بس هو لو ما عاتبني وشرحتله القصه كان قال في قلبه هذا كذاب لأني شفت بعيوني الثنتين !! طبعا القصه تافهه ولكن والله حصلت لي وأنا هنا أقول فيه أمور كثيره قد تقول أنا سمعت بأذني أو شفت بعيني ولكن تجد أن الشخص الآخر مظلوم فأنا أقول بما أنك تقول أن أهلك يمدحون خلقها أحسن الظن فيها وصدقني انها مظلومه لأنها لو كانت راعية هوى كان قدرت تصرفك زي ماصرفت أهلها وقالت هذي صديقتي أو أي شي ثاني أما من ناحية الأرتباك فهو طبيعي فيه واحد يدق وخطيبها عدها لازم ترتبك . والله أذا مشيت في موال الشك بتتعب كثير في حياتك الأنسان يكون حذر ولكن الشك مرفوض الا عند وجود أسباب واضحه وهذا اللي تقوله والله سبب تافه ممكن واحد يعرف أنها فلانه وسارق رقم البيت والجوال من جوال أخته أو أي سبب آخر المهم أنت لاتفكر بالأسباب أنس الموضوع تماما وعش حياتك لايخربها عليك الشيطان بالوساويس حتى بعد الزواج لاتسألها عنه أنس الموضوع تماما أذا تبي ترتاح لأنه والله والله تااااافه