اقترح عليك انك تطلعين لك عقار بالتقسيط وتأجرينه ..هذي الطريقه راح تجبرك انك تحسبين معاه وانه يصرف عليك لانه ماعندك سيوله نصف الراتب بيسحبه البنك للعقار يبقى لك النص من الطبيعي بيكون للاشياء الكماليه لك......

مع هذا الرد ضمان لك بعد الله
مصاريف البيت مالك شغل فيها خليه هو يشتريها

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

انا معك ان الناس صار عندها هوس شراء مو معقول وانا ضد هالشيء بس الواحد ماراح يقتصر عالاساسيات او الضروريات
احتاج ارتب بيتي ويكون عندي اثاث حلوو محتاجه اطلع مطاعم اغير جو اجدد ملابسي اسافر واكيد بجاري الناس فالهدايا لاني مو عايشه لوحدي بس بالشيء المعقوووول بعيد عن المبالغااات
انا مو معك يا وفا فالنقطة صحيح انه زوجي وحياتنا وحدة وممكن اساعد بس مو بالاتكالية اللي قاعدين نشوفها انا اصرف على عيالي واشتري اغراض البيت الاساسية الشهر هذا واللي بعده بيعجبه الوضع

النفقه من الزوج على بيته وزوجته وعياله واجبه ، مافيه روح وتعال ، اغراض البيت من ماكله وكسوة لعياله وجميع مستلزمات بيته وعياله وخادمه وسكن على الرجل ، يبقى شي واحد راتب الزوجه لها عندها مناسبه وعندها مجاملات لصاحباتها كيفها والزوج غير ملزم بالامور يعني ماتقول لزوجها عطني فلوس صاحبتي توها والده او متخرجه ومعرسه الزوج غير ملزم بمجاملات الزوجه بتاتاً اذا كانت موظفه !!!!! واذا كانت غير موظفه يعطيها مصرف شهري مبلغ وقدره على حسب استطاعته ومقدرته هذا هو المعروف والمعهود ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

صاحبة الموضوع انا عندي نفس مشكلتك بس زوجي اهوون من زوجك
اذا نزل الراتب اكتبي له عزبة البيت حقت الشهر وحطي له الورقه او اعطيه

لم يقولك اعطيني البطاقة عادي قولي نسيتها او ماعندي اش معنى احنا ننحرج منهم وهم لا والله كنت زيك وانحرج واش بيقول عني بس طفشت

بس لا تكوني بخيله اصرفي على نفسك حاجة نفسك فيها خذيها الكماليات خذيها مره تعزميه على مطعم او كوفي فالاخير الفلوس اذا ما استمتعتي فيها وش فايدتها وش فايدة الوظيفة ولاا تنسي تبقي مبلغ ع جنب ممكن تقتحي حساب ثاني تجمعي فيه

صحيح ان زوجك ملزوم بالصرف عليك وعلى اولادك وعلى البيت ... الخ
لكن بما ان عندك راتب وجبت المشاركه .. على الاقل تشيلين مصاريفك .. وتخلون الباقي مناصفه ..
منها انتي توفرين .. وزوجك يوفر من راتبه ..
ترا لما ما كنتي موظفه كان يصرف عليكم والاكيد انه حارم نفسه من اشيا لو كماليات وده فيها بس ما يقدر ..
الان لقى له متنفس شوي يصرف على نفسه .. مافيها شي ابدا ..
امسكوا العصا بالنص ...
لا تصرفين كل راتبك ولا يصرف كل راتبه ..
خلوا الموضوع بالنص .. ومتى ما واحد منكم احتاج الثاني يغطيه وهكذا ..

اما الزوجه تستلم راتب و زوجها يصرف عليها وهي تكنز راتبها بالكامل .. هذه انانيه ..
الوسطيه لاستمرار الزواج بكل حب وتقدير واحترام ..

على الاقل وفري من راتبك 40 بالميه وهو بالمثل .. لوقت الضيقه ربي لا يضيق عليكم ...
اما اذا انه يصرف راتبه بالكاااامل على اشيا تشوفينها كماليات اهني وجب الحزم ف الموضوع ..
ارفضي اذا طلب منك .. عادي هو زوجك مو واحد غريب عشان تخجلين منه وترفضين له طلب !!
اما اذا فعلا مزنوق .. المسااعده ولك الاجر والثواب عند الله سبحانه وتعالى ..

اوكي النقطه هذي مفهومه لكن انتي مافهمتي قصدي
ماعليه متقبله اني اصرف ومقتنعه وعادي
لكن مو طبيعي اني بالنهايه مااجمع واغلب راتبي خرابيط المفروض هو يدفعها
لسبب انه ماعنده وقت او متعيجز .. انا بودي بحل يرضي الطرفين
يصير بالنهايه ابقى اكون معطيه بيتي وزوجي وبنتي وبعد نفسي شي
لكن ماقدرت لان زوجي من الاساس مو مساعدني
الله يعين

اخوي Neat Man

كلامك صحيح لكن في نقاط انا مااقدر اطبقها
يعني مثلا نقطه الهدايا ..
انا مستعده كل الاستعداد ان مصروفي انا
من لبس ومصاريف وهدايا وكماليات واساسيات علي
لكن بنته والبيت عليه .. وقد سبق وطرحت الفكرة عليه
وماعجبته نظرا لانه مو متواجد بالبيت دايم وماحب هالنقطه ولا ناسبته
وسكت وقلت عادي ..
لكن ابي حل بيني وبينه ..
انا مو ضد المشاركة لكن ضد انه تكون علي وبالاخير مافي شي لي
يعني ليته قال لي نجمع لبيتنا او حاجه اقدر المسها
لكن انا جالسه اشتري واسوي اشياء للبيت بالاخير هو لازم يسويها
وارجع اقول ماعندي مانع لو كانت على فترات متقطعه
ويكون هو بوقتها مايقدر اووكي
لكن مو دايم مو داايم
ونقطه الهدايا اخوي انا مااقدر اتفق معك نهائيا
لان المجتمع اللي انا عايشه فيه مختلف شوي
الهدايا والتوجيب نوع من انواع التقدير وليس كل التقدير
يعني يدخل معه المعامله والوصل والاحترام والمودة
لكن لما انا اتزوج او اولد والناس تبارك وتجي وتحتفل فيني وتغرقني هدايا
انا من واجبي بعد اذا صارت عندهم مناسبات اقدرهم ..
مااقدر اجحد عنوتهم وتقديرهم .. خصوصا ان وضعي يسمح ومااضغط على نفسي او زوجي بشي
يعني انا مااقدر اقطع الهدايا لانه جزء من عيشتي وبغض النظر
انا مااعطي الا اللي يعطيني ..
وحتى الماديات مفروض علي وتعودت عليه اولهم اهلي واهله
وهو عارف هالشي زين ,, اهلي واهله بشكل عام يحبون الزين
فا المفروض ان زوجته وبنته وبيته وهو بعد يطلعون بشكل مرضي
وبدون اسراف ولا اذكر اني قد ضغطت نفسي او زوجي عشان اشتري شي
لكن مااقدر اقلل من شي بحياتنا واحنا مو محتاجين اننا نقلل
ماادري اذا وصلت الفكرة او لا ,
بس انا مشكلتي ابي زوجي يفهم ان البيت المفروض له
يعني لما اقول له احتاج كذ يروح يجيبها مايخليني اطفش لين اروح اجيبها
حتى المشاوير صار يتعيجز انه يوديني ويجيبني ويخليني اركب مع كريم
واتضايق احيانا كيف عنده القدرة انه يخليني اركب مع رجل سعودي
وهو نايم بالبيت !
ماادري الموضوع يطول والكلام اللي قلته بالموضوع مايصف كل حالتي
ولاادري اذا مشكلتي وصلت لكم او لا
لان البعض راح شوي عن اللي ابيه

ممتاز يا تووتي
اذا جاني زوجي وقال لي بنشتري بيت ابغى نقلل من المصاريف
بصفق يديني وبقول انا معك
لكن المشكله مو هنا
المشكلة انه غير مسااااااااااااااااهم

انا معك ومو معك
يعني انا مع اذا اشتهيت حاجه معينه وماتسوى اطلب منه اروح اسويها او اجيبها
لكن مو معك انه يكون دايم وخصوصا اذا كانت الشغله تدخل من اساسيات وواجبات الزوج