ابعدي عنك وساوس الشيطان ليش اختارني
.....
ركزي في الرجل نفسه هل مواصفاته تتناسب مع مواصفاتك.
حطي لستة بالاشياء اللي تحبينها تكون في زوجك وشوفي هالريال فيه نسبة عالية من هالاشياء او لا.
ولا تقدمي على خطوة الزواج الا اونتي مقتنعه بالموضوع.
دامه موافق انه عيالك يعيشون معك معناته انه الريال شاريك.
وبعد الملكة عطوا نفسكم فترة تفهمون بعض لا تتزوجون بين يوم وليله.
عطيه فرصه يدخل قلبك.
وخلك ايجابية انتي محتاجه رجل في حياتك.

صعب عليّ ما أفكر بهالأفكار؛ لأن بصراحة معظم الرجال يفضّلون البكر أو اللي سبق لها الزواج لكن بدون أطفال.
أنا عندي أطفال...ووقتي كله لهم - وهذا شيء أنا معروفة فيه إني عايشة لهم
نادرا أطلع .. وإن طلعت فيكون للنادي أو للسوبر ماركت
أو أطلع أطفالي يتنزهون
أنا خايفة من إنه ما يخاف ربي فيهم لما نتزوج ويبدأ يحاول ياخذني منهم ويخليهم عند الخدم
بحيث أنجب له أطفال جدد وأطفالي يظلون مع الخدم وكذا
صحيح إن أطفالي أتعبوني جدا لكن ما أبغى أتركهم تحت رعاية شخص ما أعرف عنه شيء
والبنات هل راح ينظر لهن انهن بناته أو راح لا سمح الله يتعرض لهن
أفكاري لبعيد .. كأني عجوز
بس أبغى أتأكد إنه شخص سليم نفسيا وعقليا وإلا ما رح أطلع له بالنظرة حتى.

شكرا لك أختي

فيه علامات استفهام أولا قلتي صديق اخوك المقرب وهو مطلق طيب شلون صديق مقرب واخوك مايدري انه بحياته ماتزوج؟! هالشي مايخفى عالناس فمابالك أخوك المفروض عارفه مطلق او عازب او اي شي.. طلع اعزب وصديقه الصدوق موداري..

ثانيا غريبة جدا الرجل يطلب ايدك من عند اخوك وبدال مايقول له بتزوجني اختك يقول "اريد أرملة فلان" واصلا الرجل الي يحب المرأة او يتقدم لها ما يرضى يلصق اسمها باسم طليقها او زوجها المتوفي ولا يجيب طاريه بسبب الغيرة.. بس هذا حاله غريب..

الله يكتبلك الخيرة.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ايوه اخوي قالي انه مطلق لكن مو متأكد!
وأمي قالت امه قالت بالحرف الواحد ما بعد اعرس بس يبيها ويبي قربكم

اخوي قالي انه ما قال كذا إلا لما طلب منه اخوي يحدد هو من يبغى (عندي اخت اصغر مني وثنتين اكبر مني كلهم مو متزوجات) عشان كذا انا مو مرتاحة للموضوع
اللي يخطبوني قبل بعد ترملي كلهم معددين او مطلقين
هذا في شعور غريب بقلبي تجاه سالفته كلها مو مريحني
الله اعلم شو
مشكورة اختي الله يسعدك

تفكيرك جدا راقي ما شاء الله الله يحفظك
مما قرات ان الاشخاص الذي يعانون من البيدوفيليا وهي اضطراب جنسي يعني انهم يشتهون الاطفال جنسيا يميلون عادة ان يتزوجوا بمن لديها اطفال لانه يكون اسهل عليه الاعتداء عليهم وتهديدهم بعدم فضحه ،

تاكدي ايضا من قدرةته عالانجاب فربما لديه مشاكل فقال اخذ وحدة عندها عيال واربيهم كانهم اولادي

أعوذ بالله ... الله يكفينا الشر

كيف اتأكد من قدرته عالانجاب ..هو لم يتزوج؟ سألت امي عنه قبل قليل وتقول لي نعم لم يتزوج

وكيف اخوك يقول انه مطلق ؟ ربما كان زواجا سريا بدون علم اهله ؟

تقارير طبية تثبت قدرة عن الانجاب من عدمه