بالنسبة الي ما بقبل او ما بحب الفكرة
بالرغم اني بقول بعمره العمر مش سبب لنجاح الحياة الزوجية من فشلها والاهم التوافق والانجذاب
بس شخصيا ماا بفضل يكون اصغر مني او ما بنجذب للفكرة


بالنسبة بينجح او لا هالشي حسب الشخصيات
وشفت نماذج ناجحة وبعرفهن معرفة شخصية
قريبة لبابا متزوجة رجل اصغر منها ب5 سنوات والان اتوفى بعد زواج دام 55 عام وهيي ما زالت عايشة
قريب بابا متزوج زوجته اكبر منه ب14 سنة وصرلهن مع بعض فوق الاربعين سنة وعندهن احفاد والكل بيقول اتزوجها عن حب
وابنه تفس الشي اتزوج اصغر منه

وحدة بنعرفها اتزوجت شخص عمره 20 وهيي 29 وانجبوا تلات اولاد واتوفى الزوج من تلات سنوات ورجعت اتزوجت مرة تانية واحد بس هالمرة اكبر منها


وآخر مثل زميلة كانت بصفي وهيي هلئ موظفة اتزوجت من شاب اصغر منها ب 7 سنوات وحبها من عمر 17 وحارب اهله 6 سنوات لاجلها
وكمان هيي لترضى فيه وبالاخر اتزوجها وانجب منها ولحد الآن بدللها كأنها اصغر منو بشهادة اهله



هيدول التجارب بشوف انو الشباب كان عندهن نضج وقادرين على تحمل المسؤولية وعارفين شو القرار اللي عم ياخدوه ومقتنعين فيه


لانو بوقتنا بشوف بعض الشباب بعمر 29 ولهلئ بعد ما عندهن النضج الكامل لتحمل المسؤولية


اسأل الله ان يرزقك الزوج الصالح

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه