اشكر اشكر كل من تعب ورد عليا
اعتذر لعدم الرد لسببين
النت عندي ضعيييييف الله يرحم نت أمريكا
والسبب الثاني المنتدى طفشني
كل ما افتح الصفحة تتحول لصفحة إعلانية طفشني مرة
ان شاء الله بس يتوفر عندي نت برد عليكم واحد واحد
واتذكروا اني اقرأ ردودكم واحد
واثنين وثلاثة

طيب بقولكم وضعي حاليا
حاولت قدر الإمكان ما اجيب طاري
سفرته لكن سألته فين حتسافر
وقالي فين
انصدمت صراحة
توقعت انو كالعادة يقولي قريب
ولا مدري ولا لا تخششي نفسك بخصوصياتي !
ولا شعوريا قلت بابتسامته غريبة للمرة المية رايح لها
لان راح لها اكثر من مرة
وآخر مرة قالي رحت عشان امي بس
ولو يعطوني وزني ذهب ما رجعت لها سارت مقرفة والشباب خربوها الخ

قالي عشان زميلي بس
استحي منه ولا قدرت أرده
ولا حرده مهما طلب
شخص ملتزم ووقف معاي وقفه بعز ضيقتي اخواني من امي ما وقفها معي !

هذا زميله ربي فاتح عليه
و من الأغنياء ومن اقرب الأشخاص له
وما استبعد انو ممكن يكون رايح محفول
مكفول !!
ياما جاته تذاكر وسكن مجاناااااااا
ولدول مرغوبة تركيا الفلبين
الخ !
يعني داء السفر هذا ما اقدر
استئصله الا اذا هو اقتنع

ومن ناحية تقولون وضحي له انك
مبسوطة هذي سويتها ولا نفع
لكن شفت اثر اني ابين بدونك مقدر اخرج بقولكم بالتفاصيل الجاية كيف لاحظت
فحتى لو خرجت برسل له انا بالبيت ما خرجت ولا رحت ولا جيت
،
،

الحق زوجي يحاول ما يقصر
نهائيا بالبيت
يعني يروح من عندنا مو ناقصنا
شي وهذي المرة
لاني رافضه اروح انام عند اهلي
بحكم ان السيارة الموجودة عندهم الان صغيرة فَلَو رحت عندهم منعتهم يخرجون !!
ف يقولي
سيارتي بخليها تحت يدك متى
ما احتجتي اطلبي اخوانك الصفار وروحي
معاهم
انا عارفة اخواني الصغار مستحيل يركبونها
من باب الخوف ع السيارة لانها فخمة وآخر موديل !

وقلتها له وعصب عليا
اعرف انهم رجال ويعرفون يسوقون لكن
انت بتعيشي نفسك ب اكتئاب خليكِ
انطقي
وأول مرة اشوف بنت تستحي من اخوانها وانا لو تركتك اسبوعين أجي ألقاك متحلله بالبيت من حياكِ هذا وفين العزوة والسند وريني لما اروح عزوتك وسندك !

قلت ايوه اخواني عزوة وسند

قال قومي اتصلي ع امك
وقولي ياماما زوجي حيسافر وانا بجلس بالبيت اريح لي
و اذا بتخرجو السيارة تحت بلغوني وخذوني معاكم ،

قلت امي لو بلغتها بسفرك
بتقلق وتقول تعالي نامي عندي
فما ابغى أبلغها بسفرك
الدنيا اجازة خليهم يخرجو ينبسطو
ما ابغى ابني راحتي ع تعاسة الآخرين !
قال اجلسي انت ومبادئك 🌚

المهم
انا ملاحظة اذا جا يسافر
يلاحظ كل عيوبه الجسمانية
وعيوب البشرة
وَيلا يا براءة أيه حل مسامات البشرة
ايش حل ما ادري آيه
وبصراحة شي يدخل غصب الشك
قلت انت ما تلاحظ ان الاهتمام ما يجي الا ع وجه سفر ؟
قام عَصّب
وقلتله انت مو مودينا بداهية الاظنك السيء ما قصدي لكن يبغالها اهتمام مو بيوم وليلة
المهم طلبته الصيدلية
وانشغلت بأغراضي وهو نشب
لي لأول مرة
خلاني غصب اختار له كل اغراضه
حتى الشامبو اللي بالعادة
يأخذ اقرب شي ليده !

مدري ايش الحكمة!