رد: رجع لي زوجي من فضل الله
اقتباس:
المشاركة الأصلية كتبت بواسطة كوكتيل$
طيب كلهم قالولك غيري الطبيبه ومع هذا مصره ما تغيريها
يعني انتي مو قاعده تستفيدي من كلامهم
|
بالضبط.
ومب بس سالفة الطبيبة .. كل نصايح ومقترحات وتنبيهات الأخوات رايحة على الفاضي.
وانتي ما شاء الله واعية ومدركة وفاهمة شو اللي يصير حواليج .. تعرفين تشتكين من تصرفات زوجج .. وتعرفين تشتكين من خوفج من الطلاق وتهديد زوجج كل شوي .. وتعرفين تشتكين من إنه لين الحين ما قال لزوجته بانج لا تزالين على ذمته .. وتعرفين تحلمين بامتلاكه عشان ما يشوف غيرج .. وتعرفين تحلمين بالنونو .. وتعرفين تزعلين من حكاية الاتهام بالبرود الجنسي .. وما شاء الله حتى تفاصيل هوشة زوجج مع زوجته وأنه عطاها كف وهي تفلت عليه عرفتي توصلين لها.
لكن سبحان الله جدام النصايح والمقترحات تنقلب الآية معاج!!!
خلج صريحة مع نفسج يا مصونات وحددي انتي شو تبين بالضبط.
لو حابة بس تفضفين وتشتكين ترا عادي .. من حقج .. ومب من حقنا نسكّتج.
لكن إنج تطالبين الناس يتفاعلون معاج .. وتسألين أسئلة وتطلبين حلول .. وبعدين ترمينها في البحر .... ما يجوز .. على الأقل من باب احترام الناس اللي تتعاطف معاج وتعطيج من فكرها ووقتها.
__________________
اللهم طِيبَ الأثر .. وحُسْنَ الرحيل.
02-11-2016, 09:21 AM
ضوابط المشاركة
العرض الشجري