يسعدلي مساكن يا عسولات وجميلات الكوفي 😚😚😚😚


حبيبتي ورد كلامك الاروع وحلو متلك يا عسل
خجلتيني ويا رب كون متل ما بتشوفيني

تسلميلي ربي يسعدك دنيا وآخرة



مسك حياتي وانا نقطة ببحر قدامك ماشاءالله عليكي بينضرب فيك المثل وبيتمنى الواحد يكون متلك الله يخليكي لعيلتك

وتضلك منورة حياتهم


توووووتي ربي يحفظلك احبابك واولادك وتشوفيهن بأعلى المراتب

الولد بهالعمر سريع انو يحفظ اي لغة ويتقنها وما شاءالله ربنا اعطاهم ذكاء كبير بالرغم من صغر سنهم


متل ما قالوا الصبايا قبلي احكيهن دايما بالعربي واتركي اللغة الانكليزية يمارسوها بالمدرسة

اما بالبيت بين فترة وفترة بس يطلبوا شي اعملي نفسك انك ما بتعرفي شو القصد وهيك بيضطر يدلك عليها او ينطقها بالعربي


واسرع طريقة ليحكي الطفل اللغة اللي بدنا ياها يختلط مع اولاد بيتكلموا هاللغة بيضطر يتعلم منهم ويحكي معهم
فدايما اجمعيهن مع اولاد العائلة اللي بيحكوا عربي



انا اولادي ما كانوا بيعرفوا ولا كلمة المانيمع انهم خلقوا بهالبلد هلئ ماشاءالله عليهم بتقولي ولاد البلد وبيحكوا افضل مني بكتير واتعلموها خلال سنة من خلال اختلاطهم بالاولاد بالمدرسة وبالحي وخاصة بعد ما جلسوا فترة بلبنان والكبير دخل مدرسة

بس لغتهم العربية ابدا ما اتأثرت بتقولي عايشين ببلد عربي ومكترين لانو بيتواصلوا مع اهلي وعائلتي كتير فاجباري بدهن يحكوهن عربي

وبالبيت ما بنحكي الا عربي وهالشي شددوا عليه المعلمات انو ما يحكي الولد بالبيت مع الاهل الا لغة الام وحتى دايما بيذكروا الاولاد بهالشي

والولد ما عنده صعوبة يحكي كذا لغة مع بعض بس بتضل اللغة العربية الاصعب اذا ما بيعرفها وبدو يتعلمها ان كان بالنطق والاحرف الابجدية والقراءة والكتابة


فكرمال هيك ابني هلئ بالصف الخامس بيعرف يقرأ ويكتب ويحكي بالعربي والالماني والفرنسي والانكليزي والسنة الجاي او اللي بعدها اذا الله راد بدو يتعلم ايطالي

وهلئ بعد شوي بدي اخدهن عالدرس العربي
حتى بس اكتبله عالواتس لابني ما بكتب الا عربي

فأولادك حبيبتي بعدها اعمارهم صغيرة فما تخافي رح يتعلموا بسرعة وحلو انهم يتقنوا لغة تانية وخاصة اجنبية
بس الام والاب ما لازم يحكوا مع الابناء الا بلغة الام ومع الوقت الولد تلقائيا رح يكون حافظ كل الكلمات اللي بيسمعها من امه وابوه لانو اغلب وقته معهم


باقي الصبايا كيفكن ان شاءالله الكل بخير

.

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو يا قلبي شو هالذوق شو هالعسل تسلميلي يحبيبتي


انا اليوم ولأول مرة منذ الإجازة الصيفية رحت عالنادي.. أوووف صعب أول يوم وتكاسلت عن الروحة لأني أدري البداية مرهقة..

الحلو أنهم عندهم ساونا (حمام البخار) بروح دائما بعد الرياضة بتمدد وأسخن عظامي بس اليوم من كثر تعبي نمت ههههه وشفت منامات والله صحيت ركض عالدوش لاني لازم اجيب الأولاد الحمد لله نومي خفيف والا كنت تبخرت ههه

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

تدرون أنا أعشق هذا النوع من البيوت بتمنى شي يوم يكون عندي واحد

قولولي بنات الجزاير وتونس عندكم هذا الشكل في بعض المناطق؟





















هذا النوع من البيوت يسمى عندنا رياض.. بتكون فيه ساحة ونافورة أو صهريج والسقف مفتوح وكثير نباتات جوه البيت.. شكلي راح أضل احلم...

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

السلام عليكن

مسوكة ما ادري ما شفت نوعية هالبيوت عندنا بس انا ما عندي اطلاع كامل على جميع المناطق
الصورة الاولى ممكن تلاقي شي قريب في الاستايل و الديكور في بيوت الضيافة و الأماكن السياحية
أما البيوت الي بساحة و نافورة و خضار شفتهم بالشام لما زرت سوريا في سنين الرخاء الله يصلح حالهم و يفك كربهم
عندهم بيوت شبه الصور الي حطيتيها و فعلا جميلة جدا و تشرح النفس
الله يرزقك ببيت في الدنيا مثل ما تتمني و ما ذلك على الله ببعيد و قصر في الآخرة اللهم آمين

__________________