انتي قلتيها غير قادرة ع التعامل معه طيب واذا تطلقت وتزوجت رجل آخر ومااستطاعت التعامل معه في مشكله آخرى تحصل بين المخطوبين متأكده بتقولي لها اصبري لأنه مو معقوله تقدم الطلاق في كل مره

عزيزتي الانسان يتعلم ويواجه الحياه قبل ماتعفسه وتعلمه غصب

وبعدين هي قالت ( أنا صدق أبيه ) يعني تبغاه
كانت أكتفت بتدخل أهلها ولو كررها بإمكانها استخدام سلاح أقوى ومارح تندم لأنها اعطته فرص أما كل شي مره وحده ربما تندم
وبعدين صدق بيقلب السالفه عليها ويقول انا كنت صريح معاك واقولك الي في قلبي وتفاجأت تطلبي الطلاق وربما لأنه زنان يزن ع سالفة طلبها للطلاق في فترة الخطوبه وهي هي بشخصيتها الي تقولي عنها ماتقدر تتصرف

كم مرة قال لها ماقاله ؟
كم مرة أقفلت من عنده وبكت ؟
كم مرة حاولت تغيير السالفة و هو مستمر بكلامه ؟
هذه كلها فرص أعطتها له و لم تذهب تخبر أهلها من أول مرة تكلم فيها.
يعني معقولة ألم يشعر بأنه يضايقها بكلامه ؟ ألم يشعر ولو لمرة واحدة أنه زودها؟


أنا قلت في أول رد لي في هذا الموضوع
لابد من وقفة جادة معه : إما يتقبلها مثل ماهي بمهرها الذي يراه غالي وكل التكاليف التي اتفقوا عليها .
وإما ينفصلان و يرى طريقه و ترى هي طريقها .
لابد أن تتضح الأمور ووقفة جادة , هذه حياة طويلة وإن كانت هذه البداية فهي لاتبشر بخير ولاتقولي سيتغير بعد الزواج , لا أحد يتغير !

والبنت طبيعي تبيه لو كان على أي حال , أول رجل ترتبط به في حياتها
طبيعي تميل له و تتعلق به , لذلك ضروري أن يتدخل أهلها بالموضوع
حتى تفكر بعقلها قليلا و تترك عاطفتها جانبا قليلا.

و حتى لو قلب عليها السالفة فأرى أن تصارحه أن أسلوبه يضايقها جدا ويجعلها تنفر منه.
وإذا بيزن على سالفة طلب الطلاق, هي تزن على سالفة المقارنات بينها وبين غيرها وأسلوبه الإستفزازي.
المشكلة إنها بنت ضعيفة و هو عيّار

لو قرأتي موضوعها صح بتلاقيها ماشيه معاه بأسلوب واحد وإن تكرر
وهذا الأسلوب هو سبب تماديه

عموماً أنا ما أٌؤمن بأنه اذا وجدت من شخص تعامل يضايقني في فترة قصيره يعني إنه رح يطلع منه تصرفات أكبر مع طول العشره

وماأؤمن بموضوع إني أصبر واتحمل وبيتعدل مع الأيام

أؤمن فقط إني أستطيع التعامل معه بالطريقه الي تتماشى مع شخصيته وأروضه ع ترك هذا التصرف الي يضايقني بخطوات مختلفه إبتداءً بالأسهل

الله يكتب لها مافيه الخير

خيرا فعلتي .

لا تكملين معه افضل لك، والله يعوضك

عمره 37 سنة ويتكلم عن تفضيله للعزوبية وتضايقه من الزواج وتكاليفه
ما احد اجبره يخطبك ويبهذلك بعدها
اعوذ بالله من اشباه الرجال.

السلام عليكم
جزيتم الجنة جميعاً

اخواتي ريال قيرل ومتفائلة من القلب اشكركم
كلامكم نبهني ع اشياء كثير غفلت عنها
وحقيقة استفدت من حواراتكم

أنا بلغت اهلي باللي حصل وبرغبتي في الانفصال
امس كانو يمشونها لي ويقولون اللي تبينه يصير بس اليوم رفضوا جدا
ابوي زعل جداً منه وطلب من امي تكلم أمه بس امي قالت لي مانبى نتدخل
وقالت لي حاولي تحلينها معه واذا ماتغير كلمت امه
اهلي فكرتهم مايبون مشاكل بين العائلتين
تكلمت مع اخوي الكبير لانه يعرفه قالي هو شخصيته جادة شوي بس انه شخص طيب
واكيد مايقصد يجرحك واحنا نثق فيه ووو

المهم انا قررت اغير اسلوبي ومااكلمه واذا كلمته اتكلم بحزم معه
وابغى اوضحلكم نقطة ترى والله العظيم انا مو ضعيفة مرة واسكت عن حقي لا والله
بس شيء تعودت عليه اذا احد غلط علي بأسلوب سيء ماارد عليه واحاول اخليه يعرف بخطأه
بدون مااغلط انا عليه وكل الفكرة اني كنت احترمه وماابي اتعامل بنفس طريقته

وطبعا تركته امس يوم كامل يدق ماارد ويرسل كله اطنش هو كان عارف اني زعلت من الصباح
وكل شوي يدق مو عادته يسوي كذا

دق اليوم الصبح فوق 3 مرات رديت بهدوء سأل وش فيك قلت ولا شيء سويت نفس اسلوبه
وسكت رجع وقال انا آسف زعلتك قلت له ليش انت سويت شي ؟
المهم رجع وقال حسيت الكلام زعلك وجلس يحلف انا ماقصدتك ولا قصدت اهلك
قدركم ع راسي وكلام كثير
تكلمت معه بكل جدية وقلت هذي عاداتنا وهذا مهري ماحد حلف عليك تقبل من البداية
اذا كل مره بتتكلم بنفس الاسلوب روح لغيري الله معاك
واعتذرت انه عندي شغل ورفض يقفل الخط لين اقوله اني مازعلت بس قلت له ماراح اكذب
واقول مازعلت المهم جلس والله العظيم قرابة الساعة يتكلم ويبرر موقفه وانا شاريك وماصدقت لقيتك
وكلام من هذا القبيل

استخرت واتخذت قرار مااكلمه أبداً هذي الفترة ولا اشوفه لين اوصل لقرار اما اكمل او انفصل
طبعاً بلغته برغبتي انه لازم نبعد عشان نقدر نفكر بدون اي ضغوط
هو رفض ع قولته ماعنده شي يفكر فيه خلاص متخذ القرار ( نكمل مع بعض )
بس انا مصرة على رأيي فعلا احتاج اعيد حساباتي بدون اي ضغوط خاصة اني فعلا
اذا سمعت صوته اضعف عشان كذا لازم ابعد عنه

وشكككرا للجميع مره ثانية

احسنت ....

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ما اشوف ان الرجال سوى شيء يستحق كل هذا الخصام
باين منه ان يمزح ويحب يلعب دور البخيل الشديد
انا دايما العب هذا الدور بس في النهاية اعطي
لان لذة الكرم تكون بعد البخل
لو الانسان يظهر الكرم دائما ما راح يستمتع بالكرم
وعلى فكرة انت الان زوجته يعني بتصير مطلقة لو تركتيه

ابو طبيع مايغير طبعه
اذا حاسه انك ممكن تستحملي تجريحه ف استمري بمشروع الزواج
بس اذا حاسه ان طبعه هذا ماحتقدري تستحمليه احس ينتهي الموضوع من البدايه احسن ..

قبلك كنت اشوف عادات سيئه على خطيبي وكنت اقول بعد الزواج حأفهمه اكثر وحيتغير وطبعا ماتغير شي لأن هذي طبيعته وهذي شخصيتها وانتهى المطاف بالطلاق وكان المفروض من البدايه اشوف انا حأتحمل تفكيره وطباعه او لا ..

هو اعتذرلك لأنه حس ان فعلا غلط في حقك وزعلك بس لاتفكري ان الطباع تتغير الانسان شخصيته وتركيبته ماتتغير ..
انت قلتي عرف ان فيكي عيب وقلتي انك تحاولي تغيريه اسألك هل غيرتي العيب الي فيكي ؟! وممكن تغير فترة ولاشعوريا وجعتي لأن انتي كذا شخصيتك مذا تفكيرك كذا

فهمتي قصدي ف الموضوع يتحدد اذا تقدري انت تتحملي هدا العيب معاه مقارنه ب الايجابيات والحاجات الحلوه فيه ؟! ولا ماتقدري
بس لاتفكري وتقولي انا ممكن اغير ذي الصفه الي فيه لأنه ماتتغير


ربي ييسرك امرك واستخيري الله كثيرا

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

ترا طابع الانسان ماتتغير مستحييييييل
يتغير الانسان من شان احد مستحيل
لكن ممكن سبب بخله لان مبلغ المهر
وتجيزات العرس والشقه جو مع بعض
فارهقوه وصار يفضفض لك

أعجبني أسلوبك واتزانك وطريقتك في إدارة الحوار
تغير كبير بين كلامك وأسلوبك في بداية الموضوع و أسلوبك الآن
ضعي في بالك نفسك إن لم تقدريها و تحترميها وترفعيها لن يفعل ذلك أحد
كوني قوية ومتزنة و اتركي الضعف و البكاء
بهدوء و أسلوب جميل تستطيعين أخذ حقك و وضع حدود حتى لا يغلط عليكِ مرة أخرى