صحيح تصرفها غلط وبصراحه ينرفز ويقهر ...
انا كنت مصره على موضوع الابتعاث لكن زوجي السابق كان رافض الفكره نهائيا بحكم عمله .. ف اصريت بعدها على موضوع الوظيفه وحصلت مشاكل بسببه وكنت مصره ولا زلت مصره حتى مع زوجي الثاني ..

لكن اشوف من وجهة نظري لو بينك وبين زوجتك حب وايام حلوه وموده وتحبها وتحبك .. ممكن انك تنسى تصرفها هذا وتتأقلم مع الامر الواقع وكل فتره تروح وتزورها ووقت اجازتها هي تجي ..
في رجال حريمهم توظفو في مدن ثانيه وهو شغال في مدينه ثانيه وحياتهم حلوه وصابرين لأنه متفق معاها وعارفين انها بيوم حتنقل وترجع لنفس المدينه .
هي كلها فتره وتنتهي مو العمر كله شجعها على دراستها وبين كل فتره وفتره روحلها وهي تجيك وتشوف بنتك .. اوقف معاها لو كانت تحبك ماحتنسالك هيا طول عمرها ان كانت تقدر وتستاهل ..

اما ان كان بينكم الحب معدوم وعدم تفاهم ومشاكل وتفرض رأيها بأمور كثيره فهنا اتوقع التعدد او الطلاق الحل وممكن تقررو لذا الشي مع بعض برضا الطرفين واقتناع من الطرفين ...

__________________
لاتسعى لتصحيح ظن احد بك ££ خالقك ينظر لقلبك وهذا يكفيك