مساء الرضا والسعادة يا سكاكر.
.
.
.
مسك..

الحمدلله ريحتيني وطمنتيني على سمعتي المطبخية.


الرجول ما عمري شفتها بصراحة .. دايماً تكون مقطوعة.

والجوانح أقطعهم كلهم مب بس الأطراف .. لأننا ما ناكلهم .... إلا إذا كنت باشوي الدجاج فأخلي الجوانح من باب المحافظة على المظهر العام للدجاجة.

أما المؤخرة فما يبالها كلام.



وهكذا خلصت سيرة الدجاج وتقطيعه .. وما راح أعلق على الأخت اللي رايحة تقطع دجاج في زيلامسي.
.
.
.
المهم .. اليوم طلع في راسي فجأة أصبغ شعري .. أحمر !!

رحت الجمعية وتميت أدور على اللون البرغندي. <------ جربته زماااااان قبل ما أتزوج مرة وحدة ونط لذاكرتي فجأة اليوم.

لقيته في صبغات كوليستون .. وعلى حظي كان باقي منه علبتين فقط.

رجعت البيت وخلصت شغلي .. وصبغت شعري.



والحين فجأة قررت أقصه!

ولولا إن الصالون خلاص سكّر جان طلعت الحين ورحت قصيته.




حالة أمر بها بين وقت وآخر .. أقرر فجأة .. وأنفذ على طول وبدون تفكير.

__________________


اللهم طِيبَ الأثر .. وحُسْنَ الرحيل.

هههه مريت بنفس حالتك من اسبوع
كبرت في راسي الا اصبغ شعري احمر
رغم انه زوجي ما وافق كان خايف من النتيجة
لكن كبرت في راسي
وابشرك الحين شعري احمر
وكانت النتيجة راءعة
جيد انه الانسان يغير اللوك من وقت لاخر تحسي بسعادة وشيء جديد في نفسيتك

__________________
ربنا هب لنا من ازواجنا وذرياتنا قرة اعين واجعلنا للمتقين اماما

صحيح.

أنا فعلاً مبسوطة بشعري.

لكن الخوف من هبّة القص .. بالعادة أندم بعدها.

__________________


اللهم طِيبَ الأثر .. وحُسْنَ الرحيل.

سويتيه أحمر

بيطلع جنااان جنان ماشاء الله شفتك بعين الرحمة..

بس تدري صراحة كنت مفكرة شعرك بنفسجي

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

أحمر غامق .. وفعلاً طلع حلو.


السنة اللي طافت طلع في راسي اللون الأحمر .. بس سبحان الله البرغندي ما خطر على بالي ولا تذكرته أبداً.

فرحت أشوف الصبغات الحمرة في الماركة اللي متعودة أستخدمها (لوريال برو دي جي) .. بس درجة اللون ما طلعت حلوة علي .. بالإضافة إلى إنها بهذلتني وقت الاستحمام ولما الشعر يكون مبلل لأن اللون ظل يطلع مع الغسيل لفترة مب بسيطة .. فرجعت صبغت شعري بني على طول.

بس هالمرة لأن اللون كان في خاطري فدوّرت عليه في كل الماركات.


أما البنفسجي .. ما يهمج .. انتظريني وبتلقيني حققت فكرتج عني.

__________________


اللهم طِيبَ الأثر .. وحُسْنَ الرحيل.

بس يتحول جلدي للاحمر اجيب راسك بحظر مؤبد 😂😂😂😂😂😂



😂😂😂😂😂😂

شخصيتي خبط لزق ، قرار تنفيذ ههههههه جابت جابت خابت خابت ليش لحتى احرق دماغي بالتفكير موهيك ميمووووووو ؟


في ناس تتغير جلودهم و في ناس تتغير اقنعتهم .....😂😂😂😂😂😂😂
بس هذي الليديا يشهد ربي اني احبها جدااااااااا من قلبي اللهم بارك ،،، بس الحب لا يعني عدم الحظر 😈


الف مبروك يا شمندرة ههههههه

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يبارك فيك يالأزرق.


سبحان الله أنا شخصيتي مب جذي .. متأنية بالعادة وأفكر قبل الإقدام.

بس ما تدرين ساعات المخ يضرب.

__________________


اللهم طِيبَ الأثر .. وحُسْنَ الرحيل.

هلا بخالتي مهره
.......
اخر العنقود 🍇🍇، جبتي لج خادمة ولا بعد
كنت ادخل فتره الكوفي واقرا
ولا اني اشوف انك سنعة تقومين بواجبات البيته على اكمل وجهه

امة يلا اصبغي شعرك احمر معنا خلينا ننشر هالمودة فالكوفي
ونغير اسمو كوفي ذوات الشعر الاحمر
والي ما تصبغ شعرها احمر مطرودة

__________________
ربنا هب لنا من ازواجنا وذرياتنا قرة اعين واجعلنا للمتقين اماما

خالتي؟!!!!!!

الله يقطع ابليسج ذكرتيني بالولد اللي في مدرسة سلطان السنة اللي طافت.




الحمدلله الله يقدرنا ويقوينا.

والخادمة بعدنا ندوّر عليها.

__________________


اللهم طِيبَ الأثر .. وحُسْنَ الرحيل.