التعليم الجامعي ماله اي علاقه بفهم الشخص للحياه الزوجيه او لفهم متطلبات الحياه بشكل عام ..
كم من متعلم ناجح ولكن فاشل بالحياه الاجتماعيه والعكس صحيح ..

انا عندي مثالين حاب اني اضربهم ..

انا زوجتي جامعيه وانا ثانويه عامه ( في اول زواجنا ) .. الحمدلله فاهمين في امور الحياه .. ومرت علينا مشاكل اكسبتنا خبره ومن مواقف للناس اللي حوالينا خلتني افهم الحياه الزوجيه كيف صايره ..
اللي صار زوجتي شجعتني على اكمال تعليمي .. الحمدلله بتشجيع منها اكملت دراستي وحصلت ع الشهاده الجامعيه ( بكالريوس ) والان افكر بالماجستير ..

من ناحيه اخرى زوج عمتي غير متعلم .. اللي صار انه عمتي كان عاجبها الوضع انها متعلمه وراتبها اعلى .. فكانت تشوف نفسها على زوجها .. واهملت جانبه التعليمي .. الحين هي مديرة مدرسه وزوجها حارس امن .. ها الشي مو عيب بس مو راضيه تتقبل الحين .. حتى في اجتماعاتنا العائليه ما تجيبه يجلس معانا مع انه مافي اي شي يعيبه .. الان اصبح راعي سهرات ودخان واهمل بيته .. والعياذ بالله ..

اولا .. الدين هو اول شي تسالين عنه .. بما انه ذو خلق ودين .. فالامور المتبقيه تبقى مكمله ..
المال .. مهم جدا في عصرنا .. مب نفس قبل اللي تكفي الالف والالفين .. الحين المال صار متطلب اساسي لقيام اي اسره ...

اذا وافقتي عليه .. امانه لا تهملين تعليمه .. ولا تنتقصين منه على اساس انه اقل منج مستوى تعليمي .. امسك بايده حبه حبه .. وصليه للمرحله الجامعيه على اقل قليل ..