أجل ياقمررر قدام .. كملي الدكتوراة ولا يهمك اللي مايتسمى

دائماً أقولها لطالباتي :
دراستك .. وظيفتك في يدك
أي شي ثاني مو في يدك .. ولد الناس اذا تزوجتيه بيرميك في أي لحظه ويقول وش دخلني فيك .. نصيب وانتهى ..

لكن وظيفتك تقدر ترميك ؟؟

بالله فيه أحد تجيه فرصه في كاوست ويضيعها ؟؟

يابنتي خليك في كاوست وكملي مع نفس الدكتور لغاية ماتحصلي على الدكتوراة

كاوست اهم شي فيها تزكية الدكتور نفسه خصوصاً في مرحلة قبول الدكتوراة ..

انسي اللي صار وعالجي نفسك بطريق واحد بس
اللي هو نجاحك في دراستك وتقدمك في وظيفتك ..

صدقيني وقت ماتوصلي لمرحله اعلى وانجاز كبير راح تحسي بالفرق ..

الله يوفقك ..

__________________

(( لا شيء يجعلنا عظماء سوى ألم عظيم ))

يا سبحان الله .. وش بلاهم هالرجال ؟؟

تصدقين والله نفس كلامه لي ..

انتي انسانه مثقفه وراقيه ودكتوره .. زوجتي ماكملت حتى ابتدائي
زوجتي ماترضي طموحاتي
انا انسان حظي نحس في هالحياة .. ربي عطاني زوجه ماهي متعلمه
ووظيفه ماتليق فيني وفي مستواي العالي ..

كنت اقول له يا ابن الحلال إحمد ربك على نعمة العيال غيرك عقيم ماشاف الضنا
معاك وظيفه وزوجه طيبه وخلوقه ووش تبغى اكثر من كذا ..

يقول ابغى حبي اللي زمان 😂😂😂

أبغى وحده راقيه .. دكتوره في جامعه ..

وربي ردودي كانت بعلم الاهل حتى الكل يضحك علي ليش كنت أرد عليه بذي الردود

كنت اقول له طيب العمر مو مقياس للتعليم
بإمكانها زوجتك تكمل دراستها وانت ساعدها بتربية العيال لغاية ماتوصل للمستوى اللي انت تبغاه ..

كان يقول لا زوجتي ماتصلح تجلس في البيت .. انسانه ع قد حالها

وانا أجزم انه لو وقف معاها من بداية الزواج كان نجحت وصارت أحسن مني كمان .. بس هو اللي وقف لها في طريقها وجبرها ع البيت وتربية العيال

وفي النهايه بعد ما شبع قال ابغى لي وحده متعلمه وراقيه ..

اساساً لو كنت له من زمان وتزوجني يمكن ماوصلت لمرحلة الدكتوراه .. يمكن ماصرت بنفس المستوى اللي وصلت له الآن ..

حبيبتي الخلاصة .. هذا وذاك جميعهم كذابين

الواحد ان بغى يتزوج بس ليته ما يطلع عيوب في شريكة حياته ويحملها مسئولية عدم راحته وسعادته

الله يرزقنا الرضا ولا يبلانا بنفسياتهم التعبانه ..

__________________

(( لا شيء يجعلنا عظماء سوى ألم عظيم ))

ادخله الله في حياتك ليتغير مسارها للافضل و تدخرين مسكنا و نعما لمستقبل لا يعلمه إلا ربك علام الغيوب الحكيم الخبير ...
كلنا مررنا بقصص قد يهون ما انت فيه عما مررنا به ، يشهد الله ، انني منذ حوالي سنة كنت امر بظروف كادت تفقدني عقلي لولا رحمة الله ، لا زلت اجني علقما لكن البلاء كله خير ، فقد تغير مسار حياتي من وجهة الى اخرى ...
كانت مدة البلاء ما يقارب الخمس سنوات لكن اشد المصائب و اقساها و اهلكها لي طال ما يقارب ال 4 اشهر - من سنة 2015 - في كل يوم مصيبة تجعل جسمي يرتجف حتى تعقد كلماتي فلا اعرف الكلام الا بعد ان ان اقبض جسدي او امسك في ذقني ، و الله يشهد كم بلغت سوء حالتي ....
كل يوم اسافر مدينة حيث وكلت محام يساعدني بعد الله لاكتشف انني بين وحوش تنهش الجيوب !
عموما... ارى انك تبالغين في حجم المصيبة و اعتذر عن صراحتي يا اختي ، فاحمدي الله و كفاك انك في نعم الله تتقلبين ،،،
و الحمد لله اولا او اخرا من قلب صادق اوجهها لرب العالمين ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

وعلى طاري الطالبات اللي مثل الورد على قولك

والله الزمن تغير .. صاروا شوك مو ورد

من ضغوطات الحياة ..

تلاقي الوحده عمرها 19 أو 20 ومطلقه بولد وتدرس بنفسيه تعبانه ..

واللي دايماً تغيب عن محاضراتي .. واقول لها تعديتي 3 غيابات واعطيها انذار عشان تجيب عذرها ..

ماتصدقي ووش تكون بعض الأعذار ..

افتكر طالبه عندي كانت تجيب لي اعذار مراجعات ومواعيد جلسات في المحكمه

اعذارها مواعيد لجلسات قضية طلاق .. أو قضية نفقه .. وعمرها 20 سنه المسكينه ..

ماعد فيه طالبات مثل الورد زي ماقلتي ..
المسكينات تعقدوا من الرجال والطلاق في هذا السن والله يكون في عونهم ..

__________________

(( لا شيء يجعلنا عظماء سوى ألم عظيم ))

الله وكبر عالهم
الله واكبر


ربي يفرج همي وهمك

اذا تقدري الان تبعثي له رساله ، وتقول له ، سود الله وجهك ، و تنشغلي بنفسك وولدك

صح مو قالك اذا خذلتك قولي سود الله وجهك؟
خلاص قوليها له برساله
وعبييييها دعوات عليه من العيار الثقيل اللي يفجع القلب

علشان دعواتك هذي تقلق حياته وتنغص سعادته
وتخرب فرحته باللكزس اللي شاريها ويهايطبها بين الناس

ويعيش بحزن زيك زيه مو انتي بس

واذا تبغين اصيغلك دعواتك بعطيك
قولي سود الله وجهك
واسال الله ان يريني فيك عجايب قدرته
وان يذلك كما ذليتني ويكسرك زي ما كسرتني
ويهدم فرحتك زي ما هدمت فرحتي
اسال الله ما يهنيك يوم وسط عيالك وبيتك
وان يسلط عليك من عباده من ياخذ حقي منك طال الزمان ام قصر
"هذي مهمه طال الزمان ام قصر"
علشان لا يفرح لو مرت الشهور وما صارله شي
يتذكرها ويقول بكره جايني الانتقام لا بعد لا بعده
ويعيش بجحيم بسبب دعواتك

وحوبتي وذنبي ما بيتعداك يا في نفسك يا في عيالك
المهم قلقي راحته وطلعي شوي من نارك فيها
وارميها عليه يشيل معك شوي
مو بس انتي اللي تتعذبي

اضحك الله سنك 😂😂😂😂😂

__________________
أشهد أن لا إله إلا الله و أشهد أن محمدا رسول الله صلى الله عليه و سلم

معليش كل هذ الدعوات بتخليها ترتاح ؟؟؟


عزي نفسك ولا تحسسيه أنك لازلتي عايشه ع ذكراه

انتهى وقت الرسايل المفروض من اول ماتركها دعت عليه أما بعد مرور الشهور الطويله هذي تخليه يحس أنها لازالت ذليله عشانه قويه بحقها

وبعد ما ترسلينها على طوووول احظري رقمه
مو بس تحظرينه من الواتس
احظري رقمه كله

علشان ما يرسلك اي كلمه تريحه شوي وتريح ضميره
ويحسبك اقتنعتي وسامحتيه ويرجع يعيش حياته

فانتبهي احظريه على طول خلي هالدعوات تاكل وتشرب معه طول عمره