المشاركة الأصلية كتبت بواسطة مهره الله يهديك يا سعد .. مندفع! التواصل بالفعل مهم خلال فترة الخطوبة .. ولا خلاف بالتأكيد. نعم بالطبع منع الخطيبين من التواصل خطأ .. لكن الإنسان ابن مجتمعه .. وصاحب الموضوع خطب من هالجماعة وهو عارف طبعهم .. أو على الأقل حاط في اعتباره احتمال إنهم بيرفضون باعتبار أن هذا شائع في مجتمعه بشكل عام. فما ينفع الحين نقول له لو ما نفعت محاولتك مع أهلها فصعّد الموضوع ودخّل أهلك .. ولو ما نفع اتركهم وفك عمرك. لأن ـ لو تبا الحق ـ ما دام هو فاهم أهمية التواصل قبل الزواج فكان المفروض يسأل عن البيوت اللي تقبل هالشي من الأول قبل ما يدق الباب ويعقد على بنت الناس.

طبعا في حالة رفضهم ماراح يجي ف بالي ولا 1% اني اتركهم او تخرب العلاقه بيننا لأن هالشي مو مستاهل
وبالنسبه للمجتمع عندنا في ناس كثير متقبلين التواصل بين الأزواج وبعضهم متمسكين بالعادات وغير كذا اهل زوجتي ساكنين بمدينه ثانيه وعند معارفي وأقاربي سمعتهم معروفه والناس يكنون لهم الاحترام والتقدير ولا جاء ف بالي اساسا قبل العقد أني أسأل اذا عندهم هالشي مسموح او لا

شكرا لك اختي مهره