النظافة شي أكيد طالما قدرت تجمع مهر إذا أسنانك تحتاج تعديل عدلها ، بشرتك تعبانة أو فيها مشاكل روح مركز تجميل وعالجها ، تعاني من زيادة بالوزن مارس الرياضة ، أشتر ملابس للبيت إذا إنت مستحيل تطلع برا البيت إلا بثوب لازم بالبيت يكون لبسك مختلف والأفضل تاخذ بيجامات إما بنطلون طويل أو شورت ، الإستحمام يومياً والعطر وبخاخ العرق شي ضروري ، حافظ على نظافة المكان اللي تجلس فيه ، لاتصير إتكالي حتى كاس الموية تعجز تقوم تجيبه لنفسك ، إذا شفتها تعبانه أشتغل بدالها بالبيت أطلب أكل من برا إرحمها بمرضها عشان ترحمك إذا مرضت ، من حقك تخصص لك يوم بالأسبوع تسوي فيه اللي تبي وهالشي لازم تتفقون عليه من البداية سواء تطلع لأخوياك ولا تروح لأهلك وهي بعد عشان ماتملون ، لاتجي الساعة 11 بالليل وإنت برا سواءً وقت إجازة أو لأ ، لاتبدي أخوياك على بيتك ، إحترمها قدام الناس وأهلك وأهلها ، اللي يصير في بيتكم يظل في بيتكم مو تروح تشتكيها عند أهلها لو صار منها تقصير إنتبه ، لاتطلعها من بيتك مهما وصلت المشاكل بينكم ولاتسمح لها تطلع إلا للشديد القوي ، خلك كريم معها بحدود قدرتك المادية عطها مصروفها بيدها وبيتك لاتقصر عليه بشي ، من البداية لاتمثل ولا تسوي فيها كريم مره ولاتسمعها كل يوم كلام الحب عشان مايصير شي مستهلك وممل وماله تأثير ، خلك طبيعي مو مطلوب منك تكون مثالي ولاتتوقع منها تكون مثالية بتلقى فيها عيوب تقبّلها زي ماهي ، أخفض سقف توقعاتك ، لو فيها شي مو عاجبك لاتصارحها لمّح لها بطريقة ماتجرحها ، وتذكر دايماً إن المرأة ماتنسى الكلام اللي ينقالها بالذات السيء إنتبه لايطلع منك إلا الكلام الطيب ، والله يوفقك

__________________

وبدأت تحدي إنقاص الوزن الهدف إن شاء الله 55 كيلو