اهلا مهره وشوك ربي يسعدكم ... شوك بالنسبه لي تنفعين بس مدري اذا انتي عندك متسع من الوقت تسمعيني 💕

اول ناس انتوا افتح قلبي لكم ... ماعمري تكلمت لأحد ابدا ابدا ومحد يدري بهالشي الا اللي كانو صديقاتي ... بعتبرها فضفضه ومو حابه افتح موضوع لاني مثل ماقلت لكم اعتبرها فضفضه ... كل اللي ابقوله لكم هذا قبل سنتين تقريبا ... ببدأ اتكلم الحين بس شي واحد ابي اعرفه هل انا مذنبه الى الآن.. وتتوقعون ربي غفر لي !؟ استغفر الله يارب ...

انا كنت من ايام الابتدائي الين الثانوي ... دائماً في الاذاعه بالقرآن الكريم ... وقليل كنت انشد .. والكل معجب بصوتي وخاصة بالقرآن ... المهم لما تزوجت جلست سنه في البيت ورجعت كملت ثالث ثانوي وتعرفت على صديقات منفتحات اقصى درجه ... تحولت من القرآن الى الاغاني ... وبشكل جنوني ... قالوا لي وش رايك تغني صوت بس على مقاطع باليوتيوب ... وسويتها كثير جلست سنه ونص ويمكن اكثر ... محد يدري لا زوجي ولا اخواني ولا امي ولا ابوي الله يرحمه ... اخوي الصغير كم مره شك بس ماعطيته فرصه عشان يتأكد ... انا تبت والحمدلله وتركت هالصديقات وانقطع تواصلي معهن ... بس حكاية التوبه ... انا تبت بس مدري خايفه مانقبل توبتي لاني وقتها كنت متهاونه بالصلوات ... كنت ضايعه ... كل ماتذكر اقول هل توبتي كانت صحيحه .. هل ربي غفر لي ... هل وهل ... وارجع استغفر واقول ربي غفور رحيم ... كنت ناسيه هذا الموضوع او احاول اتناسيه ... بس امس زوجي جالس عالجوال وفتح مقطع مدري مين مرسل له ... طلع فيه صوتي بالاغنيه ... حسيت قلبي انقبض ... انا مرتاحه ان زوجي مستحيل يعرف الصوت لان يختلف ... بس بنفس الوقت اتخيل ذنب اللي يسمع كله ترجع لعندي !! كل ماتخيل هالشي اموت باليوم الف مره ... انا تائبه بس ايش اسوي عشان الناس ماتسمع وكل الذنوب تتكدس لعندي ولمتىىىىى !!!! ...

الصوت عادي من غير موسيقى ولا شي مجرد تسجيل صوت فقط ... وصديقتي تركبها على المقاطع وتنشرها ... حسبي الله ونعم الوكيل ويارب يغفر لنا ... وين كان عقلي انا !!!

اقول اكيد ربي غفر لي بس لما احد يسمعه ترجع الذنوب تتراكم علي ... اسفه طولت عليكم واحس اني مخربطه بالكلام ... حبيت اطلع اللي بقلبي عشان ارتاح سنتين وانا كابته على قلبي وساكته ... اعذروني ..

__________________
-

فأجبر خَاطري .. بفيّض نعَمك ❤ ....