عزيز الدمع في عيني .. و لامن هلّْ عرّا العزّ
أنا كيف استر العزه .. و أبكيني بدون دموع!؟


خنقني كل نكراني لنفسي.. و صار لي يبتزّ
و نسّاني الأنا و اصبحت .. انا منّي أنا ممنوع


خبزت من العطا خبزي .. ولا فكرت اذوق الخبز
تحزمت بعطا قلبي .. و لا و الله ذبحني الجوع


أخون الذاكره .. و اتعمّد اجحد جرحي اللي نزّ
و يغصبني جحود الذات .. و اجي له غصب كنّي طوع


تعبت ارسم و انا الأعمى .. و غيري بلوحتي يعتز
تعب صدقي و هو يسمع .. و لا عمره غدى المسموع


تعبت العب على اعصابي .. تحز و ما أحس الحزّ
انا وشلون ابرضيني.. ولي كلّي أصير خضوع


خذلني كل احساسي بغيري و كنت اظنّه كنزّ
أنا أفلست من حسّي .. خدعته و اثري المخدوع


تحرزت الزمن لكن .. زماني ما يردّه حرز
أنا قررت ارجع لي .. و أنهي بدمعتي الموضوع



عبداللطيف آل الشيخ

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.