المشاركة الأصلية كتبت بواسطة تيمآء .

الأخ : Neat man
أنعشت صبآحي بكلماتك ، يسعد صباحك ...
كل مشكلة بشكلي عموما قدرت أسيطر عليها من سنتين تقريبا حتى وصلت لدرجة إني مقتنعه بالي وصلت له وحسيت بثمرة إنجازاتي ، الغصّة : بتعليقات الناس الي مايلقوا لها بال هيا الي خلتني بدا التفكير ، وصلت لسن 23 والى الآن ماني قادرة اهضم كلماتهم ولا اتعودت عليها ... مع العلم انو بالسابق قبل ماأتغير ماكنت أواجه ذي القسوة ( أوك مو قسوة بس بنظري هذا التعبير المناسب للي احس فيه ) جد جد اتفاجئت من ردة الفعل /زي مثلا : من صغري وانا متينة وهما يقولوا لي انحفي وانحفي واطنش ولما قررت أنحف مع الجزم المقترن بالفعل يعني مو بس كلام ... فعلا نحفت و بانت ملامح جسمي من الشحوم المتلتله الي كانت مغطيته ، بدل مايفرحوا لي إني حميت نفسي من أمراض كان من الممكن تصيبني وانا بعز شبابي أتفاجأ بتناقضهم !!! بالرغم من انو جسمي صار اجمل من اول ، مو فاهمة ايش يبغوني اكون !!
زمان ماكنت اهتم لأي شي حتى بالعلم وأمور حياتي الثانيه لانو كنت بمرحلة خمول وكأني ويشهد الله اني ماأبالغ كنت في ( غيابات الجب ) ... ماافهم ايش الي يحصل حولي ولا أحاول أفهم ! توي بديت افوق واصحصح واستوعب .


أخيرا : كأني كنت أبغى دَفعة بسيطة للنور ، والبركة فيكم كثر الله من أمثالكم كلماتكم البسيطة حيكون لها دور عظيم بالايام الجاية وماحنسى دا الجميل منكم ... جزاكم الله خير ❤